La pandemia obliga a suspender l’Antroxu Tradicional d’Uviéu

L'Asociación Mazcaritos confía en poder retomar les actividaes l'añu qu'entra.

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.

L’Asociación Cultural Mazcaritos d’Uviéu vien d’informar que nesti añu 2021, por mor de la pandemia del Covid 19 y les midíes sanitaries nun van facer les actividaes que dende va dellos años vienen programando pa cellebrar l’Antroxu tradicional d’Uviéu.

Nuna nota de prensa, el colectivu fizo alcordanza “nestos tiempos abegosos de toes eses persones mayores, informantes a les que teníemos apallabrao visitar y que son y foron tan importantes pa recuperar esta mazcarada“. “Tamién a les neñes, neños y families que nestos caberos años participaron nos talleres de Mazcaritinos y desfiles del Antroxu Infantil, asina como a les y los mayorones de la Comparsa de los Mazcaritos, porque elles y ellos son dafechu’l futuru de la centenaria mazcarada d’Uviéu que pintara Evaristo Valle y col so enfotu nos animen a nun desdexar y siguir na brecha”, añadió l’Asociación.

Antroxu Tradicional d’Uviéu. FOTO: Javier Ordás.


Tamién agradeció “a toles persones que nos sofiten y qu’un añu con otru faen porque seya posible la folixa nos díes del antroxu, y n’especial a la xente de la hostelería, que tán mal lo tá pasando agora, y a la ciudadanía carbayona que mos anima y aplaude peles cais de la ciudá”.


“Esti añu nun vamos salir, pero nun desanimamos. Somos parte d’un gran movimientu de recuperación de les Mazcaraes d’Iviernu y siguimos trabayando por caltener esta mazcarada urbana como patrimoniu inmaterial del Conceyu d’Uviéu“, recalcó la nota.

Asina, nagüen por que “s’arregle dafechamente la situación sanitaria pa poder siguir coles actividaes culturales”. Esperen tamién que “l’añu venideru podamos tornar con más puxu ya ilusión a ‘correr l’antroxu’, darréu que salgamos con bien del malañu y que toes y toos podamos disfrutalo con salú“.

- Publicidad -spot_img

Actualidad

Dejar respuesta

Please enter your comment!
Please enter your name here