Mocedá Comunista pide una reforma llaboral qu’acabe cola precariedá y la esplotación

Alvierten de la "terciarización" de la industria asturiana y les males condiciones de trabayu del sector servicios.

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.

La organización Mocedá Comunista ta desarrollando una campaña na que defende una reforma llaboral qu’acabe cola subcontratación y la temporalidá, y na que se respeten los derechos llaborales de los trabayadores.

La organización moza d’izquierdes plantea estes midíes como una exixencia de mínimos nun contestu nel que consideren que’l socialismu ye la “única vía posible pa la construcción d’un futuru dignu pa la mocedá obrero”. Otres midíes que defende son l’aumentu del SMI, la persecución del fraude llaboral y el desaniciu de les ETT, nel marcu d’un “plan de reindustrialización p’Asturies”.

Nun comunicáu la Mocedá Comunista recuerda que “na última década vieno finando’l procesu de desindustrialización n’Asturies, siendo’l puntu siguíu’l zarru de la última mina de carbón en 2019. Esta realidá va treslladase a les centrales térmiques, de les que yá s’anunció’l zarru -tovía ensin alternativa-, asina como a otros seutores industriales -por exemplu, Vesuvius o el futuru dudosu de fábriques como Saint-Gobain y Alcoa-“.

Además, matiza que “mientres se zarra la minería, Xixón tien problemes ecolóxicos pol carbón foriato acumulao por empreses como Goldman Sachs, l’empresariu Victorino Alonso o Xstrata Glencore”. “L’únicu interés ta n’abaratar costes y sacar más plusvalía de los trabayadores, lo qu’afeuta dafechu na nuesa soberanía económica y política”, añadió.

Alvierte amás del procesu de “terciarización” de lo que queda de la industria asturiana, na que ta xeneralizándose la tendencia a la subcontratación, y del aumentu del sector servicios, sin qu’ello conlleve una meyora de les condiciones llaborales, sinón que se basa la “precariedá llaboral”. “Nun podemos permitir qu’Asturies se convierta nun parque temáticu del turismu“, reclamen.

Señala amás algunes consecuencies directes d’estos procesos, como que más del 50% del empléu xuvenil ye d’alta precariedá, y que namás del 19% de la población moza tien posibilidá d’independizase.

- Publicidad -spot_img

Actualidad

Dejar respuesta

Please enter your comment!
Please enter your name here