La XDLA va festeyar el Día de les Lletres con un mosaicu de banderes pola oficialidá

La Xunta pola Defensa de la Llingua Asturiana convoca una concentración na plaza de la Catedral

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Por mor de les restricciones qu’impón l’andanciu de coronavirus, la Xunta pola Defensa de la Llingua Asturiana (XDLA) va sustituir esti añu la tradicional manifestación n’Uviéu del Día de les Lletres Asturianes por una concentración na plaza de la Catedral, el sábadu, 8 de mayu, a les doce del mediudía. Nesi actu les persones participantes van formar un mosaicu coles banderes pola oficialidá y la forma d’un corazón de colores que representa la imaxe de la nueva campaña qu’entama esta asociación.

Pa facilitar la organización, la Xunta pide a quienes quieran participar que s’inscriban a traviés d’un formulariu que ta disponible nes redes sociales d’esti colectivu. Les primeres cien persones n’apuntase van llevar de regalu una de les banderes de la campaña. La XDLA, que dende’l so nacimientu en 1984 vien esixendo la oficialidá del asturianu y del gallego-asturiano, reclama con esta movilización que se ponga en marcha yá’l procesu políticu y institucional pa oficializar l’idioma.

- Publicidad -spot_img

Actualidad

Dejar respuesta

Please enter your comment!
Please enter your name here