Ensin clases d´asturianu nel colexu públicu Santiago Apóstol de Mieres

SUATEA y l'asociación de padres y madres esixen una contratación a xornada completa para atender la demanda de casi'l 100% del alumnáu.

Recomendados

Diego Díaz Alonso
Diego Díaz Alonso
Historiador y activista social. Escribió en La Nueva España, Les Noticies, Diagonal y Atlántica XXII. Colabora en El Salto y dirige Nortes.

Nel colexu públicu Santiago Apóstol de Mieres, cuasi el 100% del alumnáu de 4 grupos d’educación infantil demandaron para esti cursu recibir enseñances de llingua asturiana. Lo mesmo asocede col alumnáu d’educación primaria qu’escoyó mayoritariamente esta asignatura. La dirección del centru demandó a la Conseyería Educación, yá al acabar el cursu pasáu, la necesidá de contratar a tiempu completu a un profesor/a de llingua asturiana p’atender a tol alumnáu qu’escoyó recibir clases d’esta área. Sicasí, solo contrató a una persona a media xornada.

Como consecuencia d’ello lleva ensin recibir clases d’asturianu tol alumnáu d’educación infantil dende primeros de cursu y va siguir ensin recibiles tou esti cursu si la Conseyería d’Educación nun camuda la so decisión. Dende el sindicatu SUATEA denuncien que “esta forma d’actuar ye contraria a derechu y atiende esclusivamente a criterios economicistes de recortes nel gastu a costa de los derechos de los padres y madres”.

Para SUATEA “nun ye comprensible qu’un Gobiernu que va promover la reforma del nuestru Estatutu Autonomía pa que recueya la oficialidá de les nuestres llingües siga actuando activamente contra los derechos llingüísticos de la ciudadanía yá recoyíos na normativa asturiana”. El sindicatu sofita la demanda de l’asociación de padres y madres del colexu y, esixe “l’ampliación de la xornada llaboral de la persona contratada pa impartir enseñances de Llingua Asturiana de media a completa”.

Actualidad

Dejar respuesta

Please enter your comment!
Please enter your name here