La Güerta Monga entama un crowdfunding en Nava

Quieren atropar fondos pa construyir una nave que furrule con enerxíes renovables y, al traviés de plaques foltovoltaiques.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

L’esmolecimientu qu’hai tres del mecanismu de producción y distribución de la comida ye lo que llevó apersones como Paula Cristóbal Casu o Xosé Antón Cadierno Collar, organizadores de “La Güerta Monga”. Nel so crowdfunding que faen al traviés de la plataforma Goteo (y que se pue consultar nesti enllaz), piden un mínimu de 10.000€ y un ideal de 35.000€ colos que van entamar una güerta ecolóxica y diversificada que va tener como exes el tener una güerta de temporada, la esistencia d’árboles frutales como perales y noceos y una parte de tresformación agrícola produciendo sidra dulce, zumu de mazana y vinagre.

Semeya: María Arce

Esti proyeutu pue ser ambiciosu, pero nun ye, en nengún casu, el primeru que desendolquen Paula y Xosé Antón. Va seis años trabayaren yá na cooperativa El Nocéu, en Sariegu, hasta que, más alantre, merquen una finca en Monga (Nava) de casi 26.000 m2: 1200 m2 ocúpenlos cuatro ivernaderos y otros 6000 m2 dedíquense a cultivos n’esterior. Pa desbrozar y cuchar cuenten tamién con media docena d’oveyes xaldes, dos burrines y una yegua. Amás, cuenten con otres dos finques, La Vallina, en Sienra (Nava), que van dedicar a frutales, y Socabanas, en Cabanas (Tinéu).

Venta direuta, venta llocal

Frente a los paradigmes consumistes y ecolóxicamente dañibles de multinacionales de l’alminetación como Dia o Mercadona, la propuesta de Paula y Xosé Antón ye un apueste pol comerciu de proximidá y la venta direuta: tanto nel mercáu de La Pola (Siero) como na mesma finca. Pa ellos la venta nel mercáu ye “un apueste políticu” por “dar visibilización al campesináu y la necesidá d’ocupar espacios públicos”. Pero tamién-yos presta tener un día nel que recibir a la xente pa que faiga ellí les compres, pa que entrugue y conoza de primer mano d’ónde sal cada productu: “Por eso necesitamos un espaciu nel que poder recibir a la xente, almacenar la producción y guardar la ferramienta y la maquinaria”, espliquen nel crowdfunding col que quieren atropar fondos pa construyir una nave que furrule con enerxíes renovables y, al traviés de plaques foltovoltaiques, ser quien a ser autónomes enerxéticamente.

Semeya: María Arce

“Cola venta direuta conoces prácticamente a tola to clientela” sostién Paula, qu’insiste na importancia de desplicar por qué nun hai llechugues o por qué la mazana salió pequeña. Ye un mou de que la xente tea “consciente de que lo que come” y de les coses qu’asoceden nel llugar onde se planten los productos que comen. Frente a la fruta que ye “too perfecto, too del mesmu tamañu”, Paula y Xosé Antón proponen un productu real, de proximidá y ecolóxicu que ye diversu como’l mundu con un envís pedagóxicu mui grande.

Moos de sofitar y premios

El sofitu a esta iniciativa ye bien creativu y, a lo llargo de los cuarenta díes que va durar el crowdfunding, ún pue sofitar a Xosé Antón y a Paula mercando coses como “un tractoráu de cuchu” de 120€ (qu’inclui un agradecimientu + visita a la finca + llibretina + espicha + cesta de productos ecolóxicos de la güerta) o un “cucha y gana” de 10€ col que se rifa una cesta de productos ecolóxicos. Queden cuarenta díes pa facer posible’l llogru de facer real esti proyeutu.

Actualidad

Dejar respuesta

Please enter your comment!
Please enter your name here