Productos de temporada, ecolóxicos y diversificaos. Eso ye lo que faen Paula Cristóbal Caso y Antón Cadierno Collar, cola so fía Dulia ehi´al pie, en La Güerta Monga (Nava). Pero faen muncho más: comprometese col mediu, cola tierra y con una forma de vida que desafía l’individualismu, la priesa y los ciclos antinaturales que nos ufierta un sistema qu’enxendra inxusticia en cada bocáu que comemos. La Güerta Monga escapa de too ello y, pa siguir espoxigando, tien abiertu un crowdfunding en Goteo (La Güerta Monga – De la simiente a la raíz (goteo.org)) que faiga posible caltener vivu un proyectu qu’apuesta pola sostenibilidá.
