Exposiciones y conciertos nel Mercáu LABshop

Les actividaes van tener llugar el sábadu 17 y domingu 18 d’avientu na entrada de LABoral Centru d’Arte.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

LABoral va celebrar esta próxima fin de selmana una nueva edición del so mercáu cola participación de trenta y ocho diseñadores que van amosar y vender les sos creaciones al públicu dende les 12 del meudía a les 9 de la nueche, ensin posa, na entrada del Centru d’Arte, el sábadu 17, y de 12 a 20 hores, el domingu 18.

El mercáu va coordinalu’l diseñador asturianu Marco Recuero, y pa esta edición, LABoral cuenta otra vuelta col patrociniu de Xixón Impulsa, del Ayuntamientu de Xixón.

Semeya: Llaboral Centru d´Arte.

Programa d´actividaes

Toles persones qu’acudan al Centru d’Arte, tanto’l sábadu como’l domingu, van poder entrar de baldre a les esposiciones:
Mécaniques discursives, una instalación inmersiva de Yannick Jacquet y Fred Penelle, Hacia una ciudadanía agropolitana, una esposición sobre les rellaciones ente zones rurales y urbanes del conceyu de Xixón y la Esposición LABoral Impulsa 2021, amuesa de los proyeutos fechos nel marcu del programa de residencies organizáu por LABoral Centru d’Arte y Xixón IMPULSA.

Amás, el sábadu 18, a les 16 hores, va tener llugar el Taller de Kumiko, nel que pon clas l’ebanista Julio García Pérez. Kumiko ye una tradicional técnica xaponesa de trabayu con madera que nun emplega clavos, nin fierros, nin coles, namás articulaciones precises pa caltener xuntos los muebles y hasta los edificios. Places llimitaes. Más información y inscripciones: [email protected]

Y a les 19 hores, va tener llugar el conciertu Gateshead, presentación del proyeutu sonoru de Tricia Fernández y Raúl Tejón, seleicionáu na II Convocatoria de Residencies Arístiques 2021. Una pieza sonora de nueva producción que parte del estudiu de la mente autista, por mor de la so especificidá pal detalle y la perceición sensorial.
Entrada de baldre. El aforu ye llimitáu.

Actualidad

Dejar respuesta

Please enter your comment!
Please enter your name here