Sentíu homenaxe a Andrés Solar Santuriu, el poeta que canció al País

El compromisu d’Andresín pa col país ye innegable. "Naide puede poner en dubia lo que pa elli representaba la nuesa cultura, la llibertá, Asturies", declaró Llucía Fernández, vocera d’Andecha Astur, na so intervención

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

La lluvia apurrió si cabe más fuercia al actu qu’Andecha Astur cellebra ca añu n’homenaxe d’Andrés Solar Santurio, escritor, políticu, activista y firme defensor de la cultura y la llingua asturiana, que dexó tráxicamente’l mundiu a la pronta edá de 29 años.

Amás d’escritor, Andrés Solar  foi miembru fundador del ENA (Ensame Nacionalista Astur), partíu pol que foi candidatu a la Xunta Xeneral, profesor de llingua asturiana na UP de Xixón,  articulista en prensa, ganador de dellos premios lliterarios, miembru de l’Academia la Llingua, collaboraor del grupu Xaréu Títeres de teatru, ayalgueru de l’Asociación d’escritores Asturianos y miembru de Conceyu Bable y de Xunta pola Defensa de la Llingua Asturiana,  amuesa de la so extraordinaria actividá y capacidá de compromisu y trabayu.

Homenaxe d’Andrés Solar Santurio.

Nel actu d’homenaxe formóse un pasiellu d’asturines ante la puerte’l cimenteriu de Deva, onde ta enterráu l’autor. La gaita precedió a les pallabres de Llucía Fernández, quien fexo un rápidu repasu de los méritos d’Andrés na so vida pa cientrase dempués na so obra y nes implicaciones de les sos pallabres, faciendo una interpretación social de trabayos del autor comu’l cuentu de Los pas de Xintu Xeromu o Yerase una vez un dúo de tres, pa finar remembrando el poema nel que l’autor resumió’l so naguar por una Asturies llibre, el mesmu que ta grabáu na placa que lu remembra na entrada’l cimenteriu

“Prúyemos un pueblu llibre

que nome cola so voz

los sos collacios y el pan

prúyemos un pueblu llibre

y una Asturies dixebrá”

Darréu, los presentes foron desfilando un a un, posando una flor enriba una asturina y faciendo un saludu a la imaxe d’Andresín recoyía na placa, nun intre d’intensa solemnidá nel que la gaita marcó’l ritmu.

Pa finar tuvo llugar una llectura de dalgunos de los sos poemes, tres de los que se dió por fináu l’actu.

Actualidad

Dejar respuesta

Please enter your comment!
Please enter your name here