El sindicatu anarquista CNT fai un llamamientu a la manifestación nel parque Dolores Fernández Duro de La Felguera esti próximu domingu 1 de mayu a les 12 y media del mediudía. N’acabando la manifestación va organizase un mitin nel que participará en primer llugar Enrique Hoz, trabayador de la metalurxa de Bilbao que foi secretariu xeneral de la CNT. Tres d’él, van garrar la pallabra les afiliaes d’esti sindicatu condergaes a trés años y mediu de cárcel por un conflictu con un hosteleru xixonés, amás de dellos coleutivos de les cuenques mineres.
La xornada va siguir con una comida popular nel CSA La Xusticia tres de la que nun va faltar la música a cargu de May, Silbidos y Gemidos, Ún de Grao, Pablo Und Destruktion y Ilustres Patilludos.
