La Selmana de les Lletres Asturianes arranca con crítiques al rector Villaverde pol discutiniu del asturianu

Asamblees d’Estudiantes y Asamblea Moza d´Asturies emiten comunicaos en sofitu al usu de la llingua asturiana na universidá.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Les Asamblees d’Estudiantes emiten’l so comunicáu pa sofitar la “progresiva integración del asturianu nes distintes instituciones y estratos de la Universidá Pública” y refuguen dafechu “el plantegamientu del rector sobre la supuesta illegalidá que supondría la defensa y exhibición del asturianu nel ámbitu universtariu”

Pa les Asemblees d’Estudiantes esti fechu enmárcase dientro de la “diglosia” de “ciertu sector” que s’esfuercia en “despreciar y caltener adormecíu’l nuesu patrimoniu cultural”. L’asociación ye crítica col enfotu del rector en retirar l’asturianu de les comunicaciones institucionales y la marca institucional y afirma que ye una “posición ideolóxica” que yá se viere n’otres cuestiones como’l reglamentu de permanencia.

Toa interpretación de la llei ye ideolóxica

Pa les Asamblees d’Estudiantes “toa interpretación llegal lleva arreyada una visión de la sociedá y de los sos elementos, y ye dalgo que nun hai qu’esconder”. Amás, sostienen que “si s’escuende ye porque se quier disimular un discursu institucional ideoloxizáu”. Los estudiantes recuerdan que l’inglés nun ye oficial y va siguir figurando na identidá corporativa de la universidá

Crítiques de AMA

La Asamblea Moza d’Asturies considera la supresión del asturianu na marca pública d’Uniovi, “una decisión surrealista y humillante para la comunidá universitaria”. “Escudase nun argumentu llegal falsu namá pon al descubiertu la so clara intención de burllar la llei d’usu del asturianu y los propios reglamentos de la Universidá” señalen dende el colectivu. Según AMA “el poder oculto reaccionariu d’Uniovi que volvió al poder gracies a la so alianza electoral artificial col supuestamente progresista Villaverde, ta cobrándose´l so sofitu a ésti con esta midida totalmente antipopular que nun reflexa’l sentir mayoritariu de la sociedá asturiana y la comunidá universitaria polo xeneral y, sobre manera, del estudiantáu en particular”.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí