El filólogu y escritor en llingua asturiana Pablo X. Suárez (Siero, 1981) recitó ayeri n’El Caricós, el local autoxestionáu de La Pola de Siero que ta vinculáu a la asociación cultural El Llavaderu, Retayos de la vida polesa y mundial, un trabayu a mediu camín ente la poesía y el monólogu.
L’autor sierense ye ún de los poetes más granibles y renovadores de les lletres n’asturianu. Tres estrenase col poemariu Asturiana Beat (Trabe, 2005), siguió una trayectoria constante na qu’alterna la prosa y la llírica, l’asturianu y el castellanu, el recital cola performance.
