Na distancia al compañeru Adolfo Saro

Adolfo foi un avanzáu al so tiempu y un lluchador tola so vida, incansable por tresformar y alitar una sociedá en crisis constante.

Recomendados

Al abrir el portátil vi l’últimu cantar reproducíu “Digo que soy libre” de L.E. Aute, pensé nel mio amigu afirmándose na so llibertá y na so llucha constante por facer del mundu en que vivimos un llugar más xustu. El 21 de xunetu de 2022, marchónos una persona fundamental non solu del ámbito de la esquierda alternativa, si non del conxuntu de la sociedá asturiana,  l’uvieín y asturianu d’adopción Adolfo Saro Herrero.

Adolfo foi un avanzáu al so tiempu y un lluchador tola so vida, incansable por tresformar y alitar una sociedá en crisis constante. El so papel dinamizador del asociacionismu xuvenil foi fundamental na creación del Conseyu de la Mocedá d’Asturies y de los conseyos de mocedá locales, la so collaboración por potenciar la participación de la mocedá na vida pública constitui un exemplu de cómo articular una sociedá que munchos daben por acabada y que resultó tar bien viva. Frente aquel pensamiento negativu erguíase la sorrisa d’Adolfo y como non la so mente privilexada capaz d’armar dende’l discursu a l’aición en pro siempre d’una sociedá meyor.

Non, nun tuvo que ser fácil la so llucha, pese al relatu oficial los años negros taben entovía presentes, quedaba muncho por avanzar y facer visible lo que taba tapecíu. La escuridá nun diba con Adolfo y por eso y con otres grandes persones creastis XEGA, una organización referente nun solu pal coleutivu LGTBI, sinon pa cualesquier persona que buscara y peleará por facer y articular una sociedá de libres y iguales. Adolfo lluchador polos derechos llingüísticos, siempre’l primer una so defensa y llucha, dialogando y buscando pontes pa un reconocimiento que sigue tardando en llegar, pero más ceo que tarde acabará llegando y col que como colos otros algamaos cola tol lucha vamos defender pa que nun mos lu roben o mercadeen con ello.

Adolfo yera comunista, yera d’Izquierda Xunida, igual esi fechu esplica muncho de lo enantes escrito. Pertenez a una xeneración que supo tomar el relevu, seguir calteniendo viva la llama y teniendo siempre llista la chispa na llucha pola mayoría social.

Va unes selmanes falaba col so amigu Alejandro Álvarez, llevo fuera bien d’años pero caltengo viva l’amistá y cercanía. Como siempres que voi atoparía a Alejandro y Adolfo caleyando pel Uviéu (La Ovetense, Dólar, Traslacerca…), xuntaríemonos y diríemos a tomar un café pa falar y divagar un bon ratu mientres van poniendo los puestos d’El Fontán. Adolfo sigue presente, la so obra, la so llucha tán ehí, agora quédanos siguir calteniéndola y enanchándola.

Amigu, camarada, Adolfo namás atopes a Rober montái una revolución.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí