Correos va empezar a utilizar nos sos sistemes la toponimia asturiana

Les notificaciones de la empresa de les 2.389 oficines españoles van referir los nomes asturianos de los llugares.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Correos va empezar a utilizar nos sos sistemes la toponimia asturiana pa que les cartes, los paquetes y les notificaciones que s’unvien dende les oficines postales incluyan nes direcciones la nomenclatura tradicional.

Asina lo ratificó esti xueves en Madrid la directora de Rellaciones Institucionales de Correos, Leire Díez Castro, nun alcuentru cola conseyera de Cultura, Política Llingüística y Turismu, Berta Piñán.

Correos ya empezó a trabayar nesti cambiu qu’atiende a una solicitú del Gobiernu d’Asturies y qu’espera tener completáu nel primer trimestre de 2023, informó la empresa.

En virtú d’esti alcuerdu, les notificaciones de la empresa de les 2.389 oficines españoles van referir los nomes asturianos de los llugares, atendiendo a lo refrendao nel Boletín Oficial del Principáu d’Asturies.

Para rematar el procesu, ye necesario qu’el INE – que representa la información oficial del Estáu y encárgase d’esportar les nomenclatures a España – lleve alantre los cambios necesarios nel so nomenclátor y, a partir d’ehí, los sistemes de Correos puedan incluyiles.

Ye por ello, que la inclusión de “Uviéu” nos sistemes de Correos ta prevista pal primer trimestre de 2023, una vez qu’el INE lo eche andar.

La directora de Rellaciones Institucionales de Correos espresó’l compromisu” de la empresa colos asturianos, tanto “col espardimientu de la cultura y tradición asturiana, como cola garantía nel accesu a los servicios básicos a tolos vecinos y vecines, independientemente d’onde vivan”

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí