Esti vienres aconceyó n’Uviéu el XVII Alcuentru Nacional d’Izquierda Asturiana, teniendo como únicu puntu a debatir la posición del partíu énte les eleiciones a la Xunta Xeneral y conceyos del 28 de mayu. El máximu órganu de IAS aprobó por mayoría una resolución na que se decide negociar un alcuerdu electoral con IU nel contestu de la necesidá d’un frente unitariu de la esquierda. “Esta decisión compleméntase cola necesidá de caltener una llinia abierta y permanente con Podemos Asturies o los sectores del mesmu favorables a una converxencia más amplia, col envís de llegar al 28 de mayu col mayor nivel posible d’unidá de les fuercies d’esquierda” señalen na so resolución.
IAS prioriza l’oxetivu estratéxicu d’asegurar la reforma estatutaria y sorraya “la necesidá d’asegurar tanto la presencia del nuestru partíu na ellaboración del programa como nel siguimientu de los alcuerdos”. Al mesmu tiempu, “entiende esti pasu como’l primeru d’un procesu que se quier más ampliu pa llegar a una candidatura lo más unitaria posible”.
La organización considera negativa “la diversidá de candidatures a la esquierda del PSOE nel actual contestu políticu”, pero “quier dexar claro “nuestra discrepancia táctica cola posición electoral y política qu’asume la inevitabilidá de conformase col papel d’accesoriu necesariu o socorrista pal gobiernu de la FSA pol peligru de subordinación acrítica en polítiques negatives pal país”.
Estoy de acuerdo con la propuesta de un Frente Amplio en Asturias.
Se tiene que hacer desde las Asambleas conjuntas de las BASES, no cuela en 2023 un Frente Amplio creado desde ARRIBA, es lo que me parecer lo de SUMAR de IU en Asturias.