L’agrupación independiente d’electores Faciendo Morcín presentó la so candidatura a les elecciones municipales del próximu 28 de mayu güei 23 de mayu, en La Foz, a les 19:00.
Faciendo Morcín defínse como una «agrupación independiente, ensin representación nesta llexisllatura», polo que, según afirmen los sos responsables la visibilidá que-yos correspuende «ye mínima».
Faciendo Morcín ye un proyectu que naz mui venceyáu al asociacionismu del conceyu. Ye xente d’asociaciones estremaes que decidió facer parte de la vida política de Morcín, trescendiendo les redes d’asociaciones onde venía trabayando. Una agrupación municipal que, mirando a lo global, entiende qu’onde tien de trabayar ye no llocal.
L’actu tuvo llugar na Escuela Hogar, l’edificiu de servicios múltiples de La Foz de Morcín, y nella pudo vese’l videu col que Faciendo Morcín presenta la so candidatura.
