La promotora de conciertos especializada en música en llingües minorizaes, Ixuxú Cultura, cumple un añu d’actividá dende que retomó esti proyectu que naz de les cenices d’Ixuxú Asturies-Euskal Herria Elkartea (2013-2017). Pa celebralo, organiza un conciertu d’aniversariu con destacaos grupos de la música vasca y asturiana: Zea Mays y Skontra. L’eventu va ser el sábadu 24 de febreru na sala Tizón de Xixón, con un preciu d’entrada anticipada online a 12 € y na puerta de 15 €.
Zea Mays son una de les bandes más importantes del rock n’euskera. A vegaes pop, otres tastiando’l stoner, tamién xugueteando cola electrónica… Un estilu diversu al que se-y queda curtiu la etiqueta de rock.
Dende’l barriu bilbainu d’Errekalde Zea Mays fueron peleando per tolos gaztetxes y jaiak. D’ehí, el pasu a importantes festivales de dientro y fuera d’Euskal Herria, xires per Europa y Xapón, once discos al costazu y un reconocimientu ganáu a güelpe d’ensayu y carretera.
Skontra ye ún de los grupos más veteranos de la escena de rock n’asturianu, con más de venti años de trayectoria, una montonera d’himnos compuestos y un directu col que nun aparar de facer pogu. Too ello calteniendo nestes dos décades la so filosofía d’autoxestión, la so coherencia y el so compromisu cola xusticia social.
Pesie a que gran parte de los componentes de Skontra son de Xixón, va muncho que nun toquen nesta ciudá
