Anita Sirgo y María Luisa Castellanos, dos ‘súper muyeres’ que marcaron la hestoria de los sieglos XX y XXI yá a golpe col tacón, yá cola pluma, van ser les protagonistes del alderique ente cuatro especialistes esti vienres 15 de marzu, a les 19.30 hores nel salón d’actos de la Casa de Cultura Teodoro Cuesta de Mieres.
La xornada ‘María Luisa Castellanos, Anita Sirgo: Dos supermuyeres nel sieglu XX-XXI’ va cuntar coles intervenciones de la periodista Patricia Simón; la Doctora n’Historia, y esperta na figura de Castellanos, Sonía García Galán; Jimena Escudero, doctora en Filoloxía y la cineasta Celia Cervero.
Xuntes van charrar al rodiu de les figures de la hestórica militante de les Cuenques Mineres fallecida recién y de la que se considera la primera sufraxista asturiana, nun evento entamáu pola Conceyalía d’Igualdá y Feminismu del Conceyu de Mieres y sofitáo pol Pactu d’Estáu escontra la violencia de xéneru y el Ministeriu de la Presidencia, Rellaciones coles Cortes ya Igualdá.
