El Gobiernu d’Asturies ta acabante de convocar per primera vegada una llínea d’ayudes, dotada con 300.000 euros, destinada a sofitar la cellebración de festivales na comunidá nuna apuesta pol texíu cultural, fomentu de la ufierta de calidá y fortalecimiento del espoxigue económicu del sector.
La convocatoria, que se publica estil lunes nel Boletín Oficial del Principáu, va dirixía a persones físiques o xurídiques, asociaciones, fundaciones, entidáes llocales o ensin ánimu de llucru que se dediquen profesionalmente a promover esti tipu d’eventos y va primar proyeutos qu’enriquezcan la vida cultural asturiana.
El sofitu va financiar la realización de festivales asina como actividáes complementaries nes estayes de la música, artes escéniques, cine y televisión, artes visuales o lliteratura.
Los candidatos tienen de presentar proyeutos ya realizaos, y les actividáes oxetu de financiación tienen de tar termináes enantes del 31 d’ochobre de 2024.
Les ayudes, que pueden solicitase hasta’l 7 de mayu, convóquense en réxime de concurrencia competitiva y divíidense en cinco llínees d’ayuda en función del presupuestu del evento, con 50.000 euros pa promover que les entidáes ensin ánimu de llucru organicen grandes festivales y la mesma cantidá destináos a los profesionales y empreses que desendolquen grandes festivales.
Amás, contempla 75.000 euros dirixíos a que les entidés llocales puedan programar tóu tipu de festivales, 100.000 euros pal fomentu de festivales entamáos por entidáes ensin ánimu de llucru y 25.000 euros pa sofitar a profesionales y empreses na realización de cualesquier tipu de festival
El montante másimu de les ayudes otorgáes va ser de 25.000 euros.
