Axuntar pide la normalización del gallegu n’Asturies na Universidá d´Uviéu

Según esti collectivu, la llingua que se fala en 18 conceyos de la comarca occidental d’Asturies adscríbese al troncu común gallegu portugués.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

L’asociación Axuntar, que defiende la normalización del gallegu n’Asturies, remitió una carta al rector en funciones de la Universidá d’Uviéu, Ignacio Villaverde, na que-y pide un tratu igualitariu pa esi idioma na institución académica al respeutive del asturianu.

Según esti collectivu, la llingua que se fala en 18 conceyos de la comarca occidental d’Asturies adscríbese al troncu común gallegu portugués como una variante del gallegu oriental y cunta con una situación llegal esautamente igual a la del asturianu, de manera que ninguna de les dos son ofciales, “pero dambes deberíen tar protexíes y promocionáes poles instituciones asturianes”.

A xuiciu d’Axuntar, que pidió recién al presidente del Principáu, Adrián Barbón, que la fala nun sía relegada por un términu nuevu como ye’l “eonaviegu”, “frutu de dos encuestes sociollingüístiques amañáes pola Academia de la Llingua (ALLA)”, la Universidá d’Uviéu debería atender la so demanda, avalada per “investigaciones históriques y evidencies científiques”, al amparu del reglamentu regulador d’usu del asturianu que la institución académica aprobó en 2018.

Amás, soliciten a la Universidá d’Uviéu qu’el gallegu d’Asturies tea representáu na so Comisión Asesora de Normalización Llingüística, cargu pal que proponen al llingüista Ramiro Javier Barcia López, y que forme parte tamién  del Conseyu Asesor de Toponimia del Principáu; y creen tamién necesariu que s’imparta una asignatura de gallegu na universidá asturiana.

Actualidad