‘Conceyu Bable y l’arte asturianu contemporaneu’ nel Bellas Artes

Con motivu de la 45 Selmana de les Lletres Asturianes, la pinacoteca espón obra d'artistes nacíos nes décades 1930, 1940 y 1950.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

El Muséu de Belles Artes d’Asturies reordenó los fondos de la sala 24 sol títulu ‘Conceyu Bable y l’arte asturianu contemporaneu’ por cuenta de la celebración de la 45 Selmana de les Lletres Asturianes, qu’espón obra d’artistes nacíos nes décades 1930, 1940 y 1950.

La Conseyería de Cultura, Política Llingüística y Deporte del Principáu d’Asturies y el Muséu de Belles Artes d’Asturies xunieron los sos esfuercios por cuenta de la celebración de la 45 Selmana de -yos Lletres Asturianes, informa la pinacoteca.

Pa homenaxar a l’asociación asturiana Conceyu Bable na sala 24 del Edificiu Ampliación axuntáronse los trabayos d’una serie d’artistes asturianos que foron los que taben trabayando n’Asturies nel momentu del surdimientu de Conceyu Bable en 1974.

Xuan Xosé Sánchez Vicente en la exposición.

De los creadores nacíos nel deceniu de 1930 espónse obra de Manuel Calvo, Jaime Herrero, José María Navascués, Eduardo Úrculo, Adolfo Bartolomé y Trinidad Fernández.

D’una década posterior, esto ye, de 1940, topamos creaciones d’artistes como Bernardo Sanjurjo, Carlos Sierra, José María Legazpi, Ramón Rodríguez, Herminio, Armando Pedrosa, Fernando Alba, José Paredes, Reyes Díaz y Miguel Ángel Lombardía.

Conciertu de L+R

Finalmente, la xeneración de 1950 ta representada por Luis Fega, Ángel Guache, María Jesús Rodríguez, Hugo O’Donnell, Pelayo Ortega, Eugenio López, Vicente Pastor, Francisco Fresno, José Miguel García Galano, Melquiades Álvarez, Paco Fernández, Ricardo Monjardïn y Adolfo Manzano.

Esti martes inaugorose la exposición con una visita y un conciertu.

Actualidad