Podemos Xixón critica’l desinterés del Gobiernu llocal pa col bienestar animal

Olaya Suárez llamentó los resultaos de la consulta pública sobro'l cambiu del Reglamentu del Conseyu de Protección y Bienestar Animal.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

La vocera del grupu municipal de Podemos en Xixón, Olaya Suárez, enfeó esti xueves “el desinterés” del Gobiernu llocal pa col bienestar animal.

Al traviés d’una nota de prensa, Suárez llamentó los resultaos de la consulta pública sobro’l cambiu del Reglamentu del Conseyu de Protección y Bienestar Animal del Conceyu, entamada pola Conceyalía de Mediu Ambiente y Sostenibilidá.

Según los datos ufiertaos pol Conceyu enantes de l’aprobación de la norma na Comisión Especial de Reglamentos de mañana vienres, “nun se rexistró nin una sola respuesta” a la consulta nel únicu mediu disponible pa facelo, el portal Participa Xixón.

La conceyala de Podemos apuntó que dende los colectivos especializaos y sensibilizaos col bienestar animal “desconocíase la esistencia d’esti procesu”, polo que valoró que la Conceyalía “solo cubrió l’espediente y nun fixo nengún esfuerzu” por qu’hubiera participación, yá que nun s’avisó a les entidaes interesáes.

Actualidad