Cultura reabre la cueva d’El Pindal con nueves midíes de seguridá frente al gas radón

Cultura cerró la cueva a mediaos del pasáu mes de marzu de manera provisional y preventiva.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

La Conseyería de Cultura, Política Llingüística y Deporte reabrió al públicu la cueva d’El Pindal, en Pimiango (Ribedeva), declarada patrimoniu mundial pola UNESCO por cuntar con dellos conxuntos de pintures y grabaos rupestres, con nueves midíes de seguridá pa llindar la esposición al gas radón.

Cultura cerró la cueva a mediaos del pasáu mes de marzu de manera provisional y preventiva en detectando la presencia de gas radón.

El radón ye un gas radioactivu d’orixe natural que surde del suelu y tien a concentrase n’espacios zarraos como mines soterrañes, cueves, viviendes y llugares de trabayu, ente otros, y pa qu’entrañe peligru pa la salú de les persones tien de tratase d’una esposición llarga nel tiempu y a niveles perelevaos.

Según informó Cultura esti xueves nun comunicáu, la decisión de reabrir la cueva a les visites tomóse dempués de reorganizar el serviciu de guarda-guía y de les mesmes visites pa garantizar la salú y la seguridá de les persones qu’aporten a esta cueva.

El Principáu apuntó que l’oxetivu ye garantizar l’accesu en condiciones de seguridá pa los trabayaores de la cueva y llindar la so esposición al gas radón, mentres sigue’l ciclu añal de midíes yá entamáu a finales de 2023.

Asina, reaxustáronse los turnos d’accesu públicu a la cueva y al puntu de recepción de visitantes, que pasa a tar xuntu al edificiu del centru d’interpretación, prósimu al aparcamientu de vehículos.
A partir d’agora van programase trés pases diarios con un cupu máximu de 10 persones cada ún, de miércoles a domingu.

Pa participar va ser imprescindible acutar previamente la entrada nel teléfonu 608175284 de 15:00 a 17:00 hores, de miércoles a domingu

Actualidad