La película «Góndola» algama’l Premiu al Meyor Llargumetraxe del IX Festival de Cine LGTBI del Centru Niemeyer

Carlos Ruano llévase premiu en dos categoríes pol curtiumetraxe La tijera en tu oreja.

Recomendados

Xuan García Vijande
Xuan García Vijande
Comunicador, barman, músico. Redactor musical en Cuarto y mitad.

La película «Góndola», obra del director alemán Veit Helmer, álzase col Premiu al Meyor Llargumetraxe del IX Festival de Cine LGTBI del Centro Niemeyer. Conocíu pel so singular estilu ensin diálogos, el director de Tuvalu, retrata fantásticamente la hestoria d’amor ente dos muyeres que trabayen nun teleféricu nes fermoses montañes de Georgia, un romance d’altor al traviés de les ñubes.

El xuráu de la Seición Oficial de Largometraxes tuvo compuesto por: Mapi Gracia Galán (dende 2017 forma parte activa del equipu de programación ya organización de Zinentiendo, Muestra Internacional de Cine LGTBQI, organizada pol Colleutivu Towanda n’Aragón), Javier Leiva (parde del equipu de programación de MUSOC (Muestra de Cine Social y Drechos Humanos d’Asturies) y Enrique Meléndez Galán (profesor ayudante doctor na Universidá d’Uviéu, donde llidera la Cátedra de Cine d’Avilés).

En pallabres del xuráu, Góndola ye una fantasía, un cuentu poéticu executáu con una maestría técnica y formal sumamente orixinal nel que, entá ensin mediar nengún tipu de diálogu ye capaz de tresmitir, al traviés d’una arriesgada y orixinal fotografía y una curiadísima ambientación sonora, un universu tan guapu como estremáu nel que nun solo tan normalizaes toles rellaciones sinon que son celebraes, llueñe de cualquier posible toxicidá.

«Nun mundiu au tantes hestories d’amor tan cargaes de conflictos y complicaciones, Veit Helmer llogra construyir, ensin grandes recursos, pero con una visión mui clara y particular, una narrativa au la guapura del amor na so forma más pura brilla. Al salir de la sala, unu nun solo se lleva la esperiencia visual, sinon tamién una renovada fe na guapura del amor y la diversidá. Llogra dibuxanos una sorrisa na boca”, destacó’l xuráu.

Mención especial Crossing

Crossing, del director de cine y guionista suecu Levan Akin, recibió un reconocimientu especial del xuráu, “nun solo a la profunda y conmovedora narrativa de la película y la so consecuente contribución a la representación de la comunidá trans sinon por ser una obra que al traviés duna sensible y hábil dirección nos ufierta una invitación a la reflexión y a la empatía, desafiando al públicu a reconsiderar les sos propies percepciones y entendimientos sobre’l xéneru y l’amor al traviés de la visibilización de otres realidaes”.

Premio Sección Oficial Curtiumetraxes: Tu tijera en mi oreja, de Carlos Ruano

El xuráu profesional de curtiumetraxes dictaminó dar el premiu de meyor curtiumetraxe a Tu tijera en mi oreja, de Carlos Ruano, yá que “encapsula una maxistral conxunción d’elementos cinematográficos que faen d’ella una esperiencia inolvidable. Al traviés d’interpretaciones cautivadores y xiros narrativos mui hábilmente executaos, el curtiumetraxe llogra caltener al espectador en fierros, esquizando de manera fonda y conmovedora la complexidá de la identidá homosexual masculina y les categoríes venceyaes a ella”.

Esti xuráu tuvo conformáu por: Enrique Meléndez Galán (profesor ayudante doctor na Universidá d’Uviéu, onde llidera la Cátedra de Cine d’Avilés), Lau Esteva (codirectora de Out! Mostra de Cinema LGTBIQ+ de les Illes Balears) y Jorge Rivero (coordinador de Llaboral Cinemateca Cortos Oficina del Curtiumetraxes d’Asturies).

Premiu Mozu Curtiumetraxes: Tu tijera en mi oreja, de Carlos Ruano

A lo último, el xuráu mozo, formáu por Wanda y Nina, dambes estudiantes del Centru Integráu de Formación Profesional para la Comunicación, Imaxe y Soníu de Llangréu (CISLAN), decidieron otorgar el Premiu del Xuráu Nuevu a Tu tijera en mi oreja, obra dirixida por Carlos Ruano, por ser un filme que “destaca pola so frescura, completitud y capacidá para caltener al espectador agabitáu de principiu a fin. Con una hestoria que desafía les mires y dexa una impresión duradera ufiertando una esperiencia memorable y significativa pa’l públicu mozu y más allá”.

Mención Especial Curtiumetraxe: Uranites, de Marina Arenas

Amás, tanto’l xuráu profesional de los curtiumetraxes como’l xuráu mozu fixeron una mención especial a Uranites, de Marina Arenas, por ser “una propuesta cinematográfica que desafía les convenciones cola so frescura y orixinalidá, destacando pola so narrativa innovadora, que abraza’l contraste y la superposición de xéneros de manera orgánica y cautivadora. Con una execución maxistral, somorguia’l espectador n’una hestoria edificante y apasionante, llevándolo a un viaxe emocionante al traviés de terrenes mui pocu esploraos nel curtiumetraxe nacional”.

Premiu del Públicu

Por últimu, el documental Transfariana, dirixíu por Joris Lachaise, fízose col Premiu del Públicu. Esta película narra una inesperada hestoria d’amor ente una extrabajadora sexual trans y un rebelde de les FARC, qu’entama nuna prisión colombiana y acaba nuna allianza solidaria ente activistes trans y militantes de les FARC en plenu procesu de pacificación.

Actualidad