El conciertu de la banda del Cabu Peñes va tener llugar a les 15 hores nel Kuivi d’Almacenes Industriales, un espaciu industrial recuperáu como escenariu cultural y d’entretenimientu asitiáu a pocos metros de les estaciones de tren y d’autobuses d’Uviéu.
Asturies por Palestina, el colectivu de refuxaos colombianos, el movimientu en defensa de les pensiones públiques, sindicatos y grupos ecoloxistes van tener el so espaciu nuna folixa onde tamién va haber un mercaín, xuegos y animación infantil pa los más pequeños.
L’apertura de puertes va ser a les 13 hores, con vermú folk a cargu de la Bandina Los Trimendos, y una hora dempués van abrir los puestos de comida, con arroz africano y parrilla de carne. Tres del conciertu y de les intervenciones de representantes de los movimientos sociales, la fiesta va siguir con una sesión de la Dj Lucía Dilema y cola actuación del músicu Chino el Indio, a les 19 hores, organizada pol Kuivi. La entrada ye llibre.
