L’Economatu Discos y el radio show L’Economatu vuelven a la carga colos meyores ritmos xamaicanos cola folixa Jamaican Oldies, que va cellebrase a partir de les 19 hores, y hasta que’l cuerpo aguante, na fábrica de Cerveza Cotoya, nel Polígonu Puente Nora (Llugones). Nesta ocasión van tar a los platos Paskal Rough & Tough, dende Llondres y representando al coleutivu Cool Breeze, y el collombianu / xixonés El Viejo Nel.
La entrada, que ya puede mercase a un preciu de 7 euros en venta anticipada n’Entradium y en taquilla a 9 euros, incluye l’accesu a la folixa y una pinta de cerveza Cotoya. La música va dir dende’l ska hasta’l rocksteady y reggae y, amás, va tar sonorizada con dos scoops, y per primer vegada nesti eventu, por Allanai Sound system.
