FABADA. HISTORIA y simbolismu d’un iconu asturianu ye la última creación de la editorial xixonesa La Fabriquina, na que se revelen datos nuevos sobre les primeres referencies al platu, adelantándose delles décades a les menciones conocíes hasta agora, y desendólcase una teoría nueva sobre’l so orixe.
De tapa dura y gran formatu, repasa al traviés de 170 páxines la trescendencia del platu asturianu.
La obra va presentase esti xueves 29, na casa natal de Xovellanos. El acto contará cola presencia de los editores del volumen, Alicia Álvarez y David Guardado, asina como de los
espertos y espertes asturianos que participen nel ensayu colos sos testos; los historiadores Arantza Margolles, Xuan F. Bas Costales y José Luis Carmona; el gastrónomo Lluis Nel Estrada y el comunicador David Castañón.
