El diputáu y secretariu xeneral de Foro Asturias, Adrián Pumares, aseguró esti llunes que’l plantegamientu de Vox de vetar a cantantes n’asturianu en Xixón ye una propuesta “disparatada” y “nun atiende a la llegalidá” y mostróse convencíu de que “nun va llevase a cabu”.
“Foro sigue nel llugar onde tuvo siempre, nel compromisu cola cultura asturiana, que ye tamién nel compromisu cola llingua“, dixo tres solliñar que Carmen Moriyón demostrólo como alcaldesa a lo llargo de dos mandaos.
Recalcólo asina a entrugues de los periodistes depués de que la portavoz de Vox nel Conceyu de Xixón, Sara Álvarez Rouco, manifestara la so oposición a la contratación d’espectáculos d’aquellos cantantes que se mandaren de la llingua asturiana.
Pumares recalcó que Foro siempre amosó un “respetu fondu” y “sofitu” de la rexidora a la llingua y cultura asturiana y recalcó que nel próximo mandáu “va ser igual”.
“Los que somos responsables públicos, los que tenemos cargos institucionales y de gobiernu estremaos, primero de facer según qué declaraciones, lo que se debe facer ye cumplir la llei”, apuntó.
