El primer llibru de la editorial Cierva y Culiebra, “La Xorda. Nuevos cantares de chigre” preparáu por Rodrigo Cuevas y Xaime Martínez, preséntase esti domingu na llibrería Matadero Uno ente cantares de chigre y chocolate con churros.
El llibru ye una antoloxía de vieyos y nuevos cantares pa cantar nes sidreríes y chigres
d’Asturies, seleccionada pol músicu y ganador del Premiu Nacional de les Músiques
Actuales 2023 Rodrigo Cuevas. El llibru plantega un percorríu per una nueche de folixa,
con cantares de Víctor Manuel, Nuberu, Marcelina Cuesta «la Nachón» o Muyeres.
Nel actu van tar presentes la escritora y periodista Aitana Castaño, el músicu Rodrigo
Cuevas y l’editor de Cierva y Culiebra Xaime Martínez.
Nel llibru dase una visión de la xorda como ferramienta pa trescender la vida cotidina —
«un arte de vivir percima l’abismu»—, y los cantares van acompañaos de comentarios del
mesmu Rodrigo Cuevas y del escritor Xaime Martínez. Amás, caún de los cantares va
acompañáu d’una ilustración de dalgunos de los artistes gráficos con más sonadía
d’Asturies, como Alfredo Casasola o María Ortiz.
Nel actu va repartise chocolate con churros a los asistentes (hasta completar aforu) y va
sortease un pañuelu de la marca asturiana Puru Remangu.
El llibru “La xorda. Nuevos cantares de chigre” ye namás el primer pasu de la editorial
asturiana, que tres de completar un exitosu crowdfunding nel branu de 2023 agora ta
zarrando la programación de 2024. Esta va entamar col llibru “Nun vaya ser el demoniu.
El diablu n’Asturies”, nel que se recueyen testimonios demoníacos n’Asturies, dende actes
inquisitoriales hasta rellatos d’exorcismos fechos pol monxu Benito Jerónimo Feijoo,
asina como rellatos tradicionales y lliterario
