Conecta con nosotras

Actualidad

Una década de Querella Arxentina

Un 14 d’abril de 2010 arrancaba la campaña pa xulgar n’Arxentina los crímenes del franquismu

Semeya: Iván G. Fernández

Fai hoi una década, coincidiendo col aniversariu de la Segunda República española, arrancaba la iniciativa llegal pa xulgar n’Arxentina los crímenes de la dictadura franquista, faciendo usu de la llamada Xusticia Universal. Pa esi oxetivu diba ponese’n marcha una rede d’asociaciones entamada por colectivos memorialísticos y d’ex presos de la dictadura que conformen en toa España la “Coordinadora Estatal de Apoyo a la Querella Argentina contra Crímenes del Franquismu”. La Comuna d’Asturies, la so referencia nel nuestru territoriu, destaca nesti décimu aniversariu xunto a la Coordinadora Estatal que ““gracies al puxu y a la constancia de cientos de persones que sufrieron estes violaciones tan graves de derechos humanos, los sos familiares, organizaciones y delles instituciones públiques, amás del sofitu de les asociaciones, sindicatos y instituciones arxentines, llogróse que la Querella Arxentina seya ún de los instrumentos más eficaces de denuncia y de llucha contra les polítiques d’impunidádel Estáu español que nieguen el derechu a la tutela xudicial efectiva a estes persones”.

Esti décimu aniversariu de la Querella Arxentina solápase cola muerte de Chato Galante, un de los impulsores, y tamién del asturianu Fausto Sánchez

La Comuna y la Coordinadora Estatal denuncien el “usu d’un discursu d’olvidu, amnesia y perdón oficial a los criminales franquistes, invocando una supuesta dinámica de reconciliación “ente españoles”. Na opinión de la rede, “Esto supón y representa una violación flagrante del Derechu Internacional de los Derechos Humanos al incumplir l’Estáu español sistemáticamente les obligaciones internacionales contrayíes depués de la ratificación de Trataos Internacionales nesta materia”.

Nel comunicáu de les asociaciones querellantes celebren los avances producíos a lo llargu d’estos diez años na llucha contra la impunidá de los torturadores y responsables de crímenes nel franquismu, pero al empar llamenten ““qu’esa causa xudicial tramítase n’Arxentina porque l’Estáu español sigue desenvolviendo polítiques d’impunidá impropies y incompatibles con un sistema democráticu”

Esti décimu aniversariu de la Querella Arxentina solápase cola muerte reciente pol Covid-19 del ex presu políticu Chato Galante, un de los impulsores del movimientu, y tamién del asturianu Fausto Sánchez, presu del Franquismu, y que tamién acompañó los primeros pasos de la Comuna d’Asturies.

Redacción Nortes
Escrito por

Te contamos lo ocurrido centradas en la periferia.

Comentarios
Advertisement

Lo más leído

“OTEA no nos representa, aquí autónomos y trabajadores vamos de la mano”

Actualidad

Celia Viada rescata los negativos de la fotógrafa republicana Benjamina Miyar

Cultura

Vecinos del Antiguo proponen convertir la nave de Popular Ovetense en sala municipal de exposiciones

Cultura

Un tuit de Bayona ofreciendo contratos estables indigna a las enfermeras de Cabueñes

Actualidad

Asociación Cultural Nortes de Asturias © 2020 · Centradas en la periferia

Nortes en redes