CNT considera “insuficientes” les midides llaborales y sociales del Gobiernu

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

La Confederación Nacional del Trabayu (CNT) considera “escases les midides sociales y llaborales adoptaes por esti Gobiernu supuestamente socialdemócrata”. N’opinión del sindicatu implementáronse tarde y resultaron ser insuficientes dafechu”. Amás, según la CNT dexóse que les empreses “se desficieren” de miles y miles de persones trabayadores con contratos temporales nes primeres selmanes del estáu d’alarma; Pal sindicatu, tovía nun s’implementó nenguna Renta Básica con garantía suficiente”. Otra manera, señala la desprotección absoluta de persones migrantes y de les que trabayen como falses autónomes”.

Énte un Primeru Mayu que “va ser, ensin dulda, una xornada de reivindicación atípica pa la clase trabayadora”, CNT anuncia que “siempre va tar enfrente de quien pretenda utilizar esa salida pa llindar los derechos fundamentales o llantar midides inxustificaes que supongan un retayu de les llibertaes más básiques algamaes pola clase trabayadora dempués de décades de llucha social”.
La central anarcosindicalista reivindica qu’el fortalecimientu y la defensa de los servicios públicos “ye una de les conclusiones que tenemos d’estrayer, cola mirada puesta nel futuru, porque demostráronse vitales pa desaniciar los efectos d’esta pandemia y pa protexer a les persones más afectaes, que, como siempre, son les más humildes dientro de la clase trabayadora”
Cola so campaña “Arguyu de clase trabayadora” de cara a un Primeru Mayu atípicu, CNT llama a la movilización y celebra les esperiencies d’autooroganización popular. “Vimos cómo la solidaridá y l’apoyu mutuu dexaron de ser namás palabres pa convertise en fechos que faen más afayadiza la vida’n munchos barrios y pueblos de tol territoriu, texendo redes dende la base p’ayudar y conocer a les nuestres vecines“, aseguren y continuen diciendo qu’eses redes solidaries “que, en dellos casos, consiguen pasar penriba la capacidá del propiu Estáu, vista la incapacidá pa iguar la situación. Demostróse, otra vuelta, que namás el pueblu ye quien a salvar al pueblu”.
Énte la la incapacidá de manifestase na cai, CNT va siguir colos sos llabores sindicales de forma on-line asesorando y ayudando a miles de persones “evitando los abusos empresariales y algamando victories que blinden los derechos de la clase trabayadora”.

Actualidad

Dejar respuesta

Please enter your comment!
Please enter your name here