Los conceyos de Siero, Llangréu y Uviéu suprimieron les sos respectives partíes d’ayuda a cooperación al desarrollu . Una cayida presupuestaria que va sumar 664.000 euros.
La Coordinadora Asturiana d’ONG (CODOPA) asina lo ta denunciando públicamente. Nel casu d’Uviéu, realizó una concentración de protesta frente al Teatru Campoamor. Nel Consistoriu de la capital, xestionáu pol PP, la partida de sovenciones a la cooperación internacional que yá taba presupuestada pal exerciciu 2020 y que’l Gobiernu llocal eliminó, alcanzaba los 550.000 euros.
Amás, Codopa criticó que’l Conseyu Local de Cooperación al Desarrollu lleve 19 meses ensin axuntase.
En Siero, gobernáu pol PSOE, la supresión nun ye nueva, sinón que yá vien del 2018. Nesti casu son trés partíes, les eliminaes. Amás de los fondos de sovenciones, suprimióse la convocatoria del Premiu de Derechos Humanos, y la financiación del Conseyu Local de Solidaridá. En total, too suma 57.000 euros.
Pela so parte Llangréu, con gobiernu socialista, ofreció l’últimu añu sovenciones a cooperación al desarrollu por un total de 57.000 euros. Una partida tamién suprimida esti añu.
CODOPA reclama a les autoridaes municipales “qu’echen un gabitu, que se pongan na piel del otru, que remen na mesma dirección. Nenguna corporación debe ponese en contra de la so ciudadanía”.
