La II Poemada de Mieres cuenta esti domingu con una bona representación de la meyor poesía que se fai n’Asturies actualmente, lo mesmo en castellanu y que n’asturianu. Once escritores tomarán parte na segunda edición d’esta cita, entamada na Casa de la Cultura del conceyu de la cuenca del Caudal. Entama a les 19.00 hores.
Alejandro Céspedes, Ángeles Carbajal, Dalia Alonso, Esther Prieto, Laura Marcos, Manolo D. Abad, Nacho González, Pelayo Fueyo, Rodrigo Olay, Sergio C. Fanjul y Yasmina Álvarez serán los participantes nesti añu.
“Tres la granible esperiencia llograda l’añu pasáu, quixímos volver provocar una segunda edición de la Gran Poemada Asturiana, mena especie de panorámica de la poesía asturiana ensin propósitu académicu delgunu“, espliquen dende’l Conceyu de Mieres, entidá organizadora.
“Trátase más bien d’un actu d’aspiración heterodoxa (onde caben toles estétiques, tolos enclinos) nel que dar cabida a munches de les voces representatives que la poesía asturiana, y n’asturianu, nos brinda”, señalen los organizadores. Los participantes conformen una nómina interxeneracional que “busca la convivencia ente delles de les voces más emerxentes con munches de les f igures indiscutibles“.
