TPA emite esta nueche, a partir de les 22.30, l’últimu capítulu de la serie documental ‘Tierra de Quesu’. La nueva entrega, baxo’l títulu ‘Onde’l quesu pasa a llamase queisu’, dará a conocer los quesos del occidente del país, dende L’Afuega’l Pitu hasta’l desapaecíu quesu de Xinestosu.
Na quesería de Ca Sanchu, n’Ambás (Grau), Marta Fernández mostrará al conductor del programa, Lluis Nel Estrada, la ellaboración del Afuega’l Pitu. Menos conocíos pol gran públicu, pero con gran tradición y aceptación, son los de Cuaña, Taramundi, y el desapaecíu de Xinestosu, güei en procesu de recuperación. El programa tamién visita la quesería Rey Silo, de Pravia.
Pablo Casanueva ye’l director d’esta producción de TPA y Llenzos, primer serie documental de cuatro capítulos sobre’l mundu de los quesos asturianos.
