Mieres, L.lena, Castropol, Uviéu y Xixón van acoyer los actos de la Selmana de les Lletres

La 42 edición va celebrase baxo'l lema 'Nel Amaro, la voz comprometida' y cola coordinación del escritor turonés Xandru Fernández.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Con un programa reducíu n’actividaes poles circunstancies sociosanitaries qu’impón l’andanciu, el llunes próximu empieza la Selmana de les Lletres Asturies, qu’esti añu va tar dedicada al escritor y artista mierense Nel Amaro al cumplise’l décimu aniversariu de la so muerte y el 75 aniversariu del so nacimientu. Los conceyos de Mieres, L.lena, Castropol, Uviéu y Xixón van acoyer los actos programaos pola Dirección Xeneral de Política Llingüística ente’l llunes, día 3, y el vienres, día 8.

La 42 Selmana de les Lletres Asturianes va celebrase baxo’l lema Nel Amaro, la voz comprometida y cola coordinación del escritor turonés Xandru Fernández. Pa homenaxar a Nel Amaro, la Conseyería de Cultura, Política Llingüística y Turismu va presentar dos llibros, un documental y dos esposiciones, una d’elles centrada na so vida y obra y la otra dedicada a la so producción artística.

La inauguración de la Selmana de les Lletres va tener llugar el llunes, a les doce del mediudía, nel Auditoriu Teodoro Cuesta de Mieres, cola presentación del llibru Pruebes d’autor. Les siete vides de Nel Amaro, la proyección del documental y la inauguración da la esposición sobre la vida y obra del escritor, que va tar abierta hasta’l 11 de mayu. Nesi mesmu auditoriu’l llunes, a les siete y media de la tarde va facese una llectura dramatizada de la obra Antígona, por exemplu, de Nel Amaro, a cargu de la compañía de teatru Producciones Nun Tris.

Cartelu de la 42 Selmana de les Lletres.

El martes, a les siete de la tarde, nel salón d’actos del Hotel d’Asociaciones de L.lena, va presentase’l llibru Esperté ensin patria pa dormir ensin pruyimientos de conciencia. Antoloxía lliteraria de Nel Amaro (edición a cargu de Xandru Fernández) y darréu va haber una velada d’Arte n’Acción, cola participación de José Busto, Abel Loureda y Ánxel Nava.

El miércoles, a les doce del mediudía, va inaugurase na Llaboral de Xixón la esposición Nel Amaro-Postal/Visual, que va tar abierta al públicu hasta’l 26 de xunu. Pela tarde, a les siete, na Casa da Cultura de As Figueiras va facese’l Homenaxe ás nosas letras, cola presentación del llibru Al aveiro d’un trabatel. Úa escoyeta de poesía contemporánea en gallego-asturiano.

El xueves los actos treslládense a Uviéu, col Conciertu de les Lletres Asturianes a cargu de la Orquesta Sinfónica del Principáu d’Asturies (OSPA), a les siete de la tarde nel Auditoriu Príncipe Felipe. Baxo la dirección del maestru Rubén Díez, la OSPA va interpretar les obres Rapsodia asturiana y Don Quijote y la batalla de los rebaños, de Leoncio Diéguez, y Bricial, poema sinfónico, de Guillermo Martínez.

El vienres, día 7, la Llaboral de Xixón va acoyer a les seis y media de la tarde la sesta edición del concursu de microrellatos improvisaos pa xente mozo Entaína a escribir. Tamién el viernes va celebrase’l tradicional Día del Llibru Asturianu, al que se sumen cuasi mediu centenar de llibreríes de toa Asturies que nesa xornada van aplicar un descuentu del 10% na compra de llibros o discos n’asturianu.

Actualidad

Dejar respuesta

Please enter your comment!
Please enter your name here