‘La embaxada prieta’, de Nicolás Bardio, nuevu títulu n’asturianu d’Hoja de Lata

L’escritor uvieín firma una novela histórica ambientada nel reináu d’Alfonso VIII

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

El sellu xixonés Hoja de Lata incorpora un títulu nuevu a la so colección Albentestate, de narrativa n’asturianu, col llanzamientu de La embaxada prieta, una novela histórica del escritor uvieín Nicolás Bardio ambientada nel sieglu XII, durante’l reináu d’Alfonso VIII. El llibru llega a les llibreríes asturianes en viéspores de la Selmana de les Lletres Asturies.

Nicolás Bardio, ún de los autores más granibles de les xeneraciones moces de la lliteratura n’asturianu, ye llicenciáu en Ciencies Polítiques pola Universidá Complutense de Madrid y máster n’Información y Comunicación pola Universidá Llibre de Bruseles. Estrenóse como narrador con una novela policiaca, Sol reló (Trabe, 2009), a la que siguieron Onde ensamen les abeyes (Suburbia, 2011) y La Colomina 36 (Trabe, 2020), una ucronía alredor d’una Asturies na que trunfa la Revolución d’Ochobre; con ella ganó’l Premio Asturias Joven de Narrativa y yá ta na segunda edición. Con Ediciones Radagast, el sellu del qu’él mesmu ye editor, publicó va cinco meses Del llau del nigromante, una novela ambientada nun territoriu máxicu y inesistente nel que, sicasí, espeya un personaxe bien reconocible de la mitoloxía asturiana: el Nuberu.

En La embaxada prieta Nicolás Bardio plantea una intriga histórica que se desenvuelve na dómina del rei Alfonso VIII, y pa ello echa mano d’un personaxe llamáu Quelino de Tresfoces, un monxu asturianu que, en compañía de Bastián, noviciu del monasteriu benedictín de San Vicente d’Uviéu, trata de facese un sitiu ente la Curia Plena del monarca. Esti llibru súmase na colección Albentestate d’Hoja de Lata a la novela Como la muda al sol d’una llagartesa, de Berta Piñán, y a la novela Lluvia d’agostu y al volume de cuentos Pasaxeres de la nueche, de Francisco Álvarez.

Actualidad

Dejar respuesta

Please enter your comment!
Please enter your name here