Verdes Equo Asturies pide que nun destinen más perres públiques a la regasificadora d’El Musel

El partíu ecoloxista define como “momia del gas” esa infraestructura “illegal y ruinosa na so construcción y mantenimientu”

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Verdes Equo Asturies fizo públicu un comunicáu nel que refuga que s’alimente “con más fondos públicos la momia del gas”, en referencia a la regasificadora d’El Musel, a la que’l Ministeriu de Transición Enerxética dio lluz verde la selmana pasada. Afirma que la regasificadora del puertu xixonés, propiedá d’Enagás, “non solo fue illegal y ruinosa na so construcción y mantenimientu, sinón tamién inútil pa la sociedá, incapaz de funcionar y un pozu ensin fondu qu’empreses cazaprimes pretenden siguir alimentando con otros 400 millones d’euros procedentes de fondos europeos y estatales, y a traviés del recibu del gas que pagamos mensualmente la ciudadanía”.

El partíu ecoloxista anuncia un recursu si finalmente s’autoriza la puesta en marcha d’eses instalaciones y denuncia que “l’únicu interés qu’hai detrás de la regasificadora d’El Musel ye catar fondos europeos qu’habríen de destinar a actividaes sostenibles. La pretensión d’algamar fondos europeos pa fomentar enerxíes fósiles ye un pasu atrás y promueve una actividá insostenible que produz cambiu climáticu”. Recuerda qu’esti “proyectu faraónicu impuestu por Vicente Álvarez Areces nun respondía a nenguna planificación del sistema gasísticu (yá esistíen otres instalaciones asemeyaes, ocioses) y, lo que ye peor, saltándose la llegalidá. Poro la xusticia dionos la razón y dictaminó la paralización de la regasificadora”.

Verdes Equo Asturies sostien qu’Asturies “ha d’especializase n’actividaes d’altu valor añadíu, basaes na investigación y el desarrollu tecnolóxicu y ensin les consecuencies nefastes que la industria de los sieglos XIX y XX tuvo na rexón. L’hidróxenu y les renovables ocupen un llugar privilexáu pal llogru d’esi oxetivu, pero non a cualesquier preciu. Na transición ecolóxica nun val too. Tampoco nel casu del hidróxenu”. Reclama al Gobiernu que s’aclarien “les responsabilidaes nel casu de la regasificadora” y una “planificación de la producción d’hidróxenu de fontes renovables que seya realista y cola suficiente tresparencia pa facilitar l’alderique na sociedá asturiana” sobre’l futuru productivu d’Asturies.

- Publicidad -spot_img

Actualidad

Dejar respuesta

Please enter your comment!
Please enter your name here