Sofía Castañón intervién n’asturianu nel Congresu pa pidir la oficialidá de la llingua

La diputada de Xuníes Podemos por Asturies, Sofía Castañón, emplegó l’asturianu esta tarde nel hemiciclu del Congresu pa pidir dende la tribuna d’oradores la oficialidá d’esta llingua. La congresista xixonesa, que acudió’l vienres pasáu al actu institucional de l’Academia de la Llingua Asturiana nel Teatru Campoamor y el sábadu a la concentración qu’entamó la Xunta pola Defensa de la Llingua Asturiana na plaza de la Catedral, dixo nel plenu de güei que “namás quixere que’l próximu testu que llegue a esta cámara dende la Xunta Xeneral del mio país seya la reforma del Estatutu onde se garanticen los nuesos derechos como falantes porque tea escrito bien nidio que l’asturianu ye llingua oficial”. Remató la intervención, n’asturianu y en gallego-asturiano: “Yá, yá, yá, oficialidá. Xa, xá, xá, oficialidá. Y puxa Asturies”.