Concentración n’Uviéu esti miércoles con motivu del xuiciu n’Israel a Juana Ruiz

El CSCA y la CODOPA convoquen una concentración na plaza de la Escandalera en solidaridá cola trabayadora humanitaria española detenida pol exércitu sionista en Cisxordania

Recomendados

Paco Álvarez
Paco Álvarez
Periodista, escritor y traductor lliterariu d'italianu. Ye autor de les noveles "Lluvia d'agostu" (Hoja de Lata, 2016) y "Los xardinos de la lluna" (Trabe, 2020), coles que ganó en dos ocasiones el Premiu Xosefa Xovellanos.

El Comité de Solidaridá cola Causa Árabe (CSCA) y la Coordinadora Asturiana d’Organizaciones non Gubernamentales pal Desarrollu (CODOPA) convoquen pa esti miércoles, 1 de xunu, una concentración na uvieína plaza de la Escandalera, a les siete y media de la tarde. Esi día ye la fecha prevista pa llevar a cau n’Israel el xuiciu contra Juana Ruiz, y el movimientu asturianu de solidaridá col pueblu palestinu quier amosar con esta movilización el so apoyu a la trabayadora humanitaria española residente en Cisxordania y denunciar les polítiques de represión y esterminiu qu’exerce l’Estáu d’Israel sobre la población de Gaza y Cisxordania.

Juana Ruiz Sánchez ye una andaluza que dende va 35 años vive en Palestina, onde trabaya como coordinadora de proyectos de la organización sanitaria palestina Health World Committees. (HWC). Esta trabayadora humanitaria de 63 años d’edá ta encarcelada pol Estáu d’Israel dende va más d’un mes y mediu. El 13 de mayu una ventena de soldaos israelinos presentáronse en plena nueche na casa de la familia de Juana Ruiz, na localidá cisxordana de Beith Sahur, cerca de la ciudá de Belén, y lleváronla detenida. El pasáu 8 de marzu l’exércitu sionista allanara la oficina central de HWC, n’Al Bireh, detuviera al responsable del departamentu de contabilidá de la organización, Tayseer Abu Sharbak, y secuestrara equipos informáticos y documentación sobre’l llabor humanitariu que HWC desarrolla en collaboración con delles organizaciones internacionales.

Actualidad

Dejar respuesta

Please enter your comment!
Please enter your name here