La Xunta pola Defensa de la Llingua convoca la qu’ha de ser “la última manifestación pola oficialidá”

"Ye la primer vez que vamos salir a la cai a animar una iniciativa del Gobiernu asturianu que va cuntar cola gran mayoría de diputaos y diputaes de la Xunta Xeneral", diz la XDLA

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Tres l’anunciu del presidente asturianu, Adrián Barbón, sobre l’apertura inminente del procesu de reforma del Estatutu d’Autonomía pa oficializar l’asturianu y el gallego-asturianu, la Xunta pola Defensa de la Llingua Asturiana (XDLA) fizo pública güei la convocatoria d’una manifestación “que pue ser histórica”, pal sábadu 16 d’ochobre, a les doce del mediudía, con salida na estación del Norte d’Uviéu.

La XDLA esplica que “ye la primer vez que vamos salir a la cai a animar una iniciativa del Gobiernu asturianu que va cuntar cola gran mayoría de diputaos y diputaes de la Xunta Xeneral y que va poner puntu final a la marxinación de los derechos llingüísticos n’Asturies”. Tamién, añade, “vamos salir a la cai pa llamar a la reflexón a la minoría parllamentaria qu’entá s’opón al reconocimientu de la oficialidá. Nun se sostién más tiempu que n’Asturies se siga refugando lo que respalden nos demás territorios del Estáu con otra llingua propia. Llegó’l momentu nel que van tener que decidir si quieren sumase a la protección del patrimoniu llingüísticu d’Asturies o si quieren quedar retrataos na historia como los últimos reaccionarios qu’intentaron desanicialu”.

La Xunta pola Defensa de la Llingua Asturiana diz que la reforma del Estatutu “entama agora y tien qu’acabar llueu. Esti procesu nun pue siguir allargándose más tiempu”. Por eso, fai un llamamientu “a tola sociedá civil d’Asturies, a toles organizaciones sociales, culturales, sindicales, polítiques y de cualquier clas, a tolos asturianos y asturianes, a sumase a esta convocatoria qu’entamamos col enfotu de que seya la última manifestación pola oficialidá”.

Actualidad

Dejar respuesta

Please enter your comment!
Please enter your name here