El centru Niemeyer va cuntar con trés esposiciones el primer semestre de 2022 que van tar asitiaes na Cúpula y Sala de Fotografía, faciendo de relevu a ‘Joan Ponç. La esencia de lo mágico’ y a ‘Tres mujeres Magnum. Eve Arnold. Inge Morath. Cristina García Rodero’.
La primera d’elles va desendolcase na Cúpula baxo’l títulu ‘Carlos Berlanga. El eterno retorno’ y va desendolcase dende’l 21 de xineru hasta’l 17 d’abril. El próximu añu marca’l ventenu aniversariu de la muerte d’esti creador, figura central de la denomada “movida madrileña” y artista polifacéticu que tocó la música, el diseñu y la pintura. Nel ámbitu de les artes plástiques desendolcó la so creatividá per aciu de pintures, dibuxos y obres seriaes. Delles van esponese al públicu per primer vez nesta amuesa. Amás, lessos creaciones van tar acompañaes por una esbilla d’obres d’artistes que foron amigos d’él: Alaska, Pedro Almodóvar, Nacho Canut, Carmen Santonja, etc. De Carlos Berlanga… etc. La inauguración oficial va ser na Cúpula del Centru Niemeyer el vienres 21 de xineru.
La otra esposición, la coleutiva ‘We are family! (¡Somos familia!)’, ta formada por siete ensayos visuales d’otros tantos fotógrafos internacionales, convida al públicu a reflexonar al rodiu del conceutu d’alteridá. L’amuesa busca rindir homenaxe a una de les esposiciones más esitosas de la Historia de la Fotografía, ‘The Family of Man’. D’igual mou qu’asocedía cola mítica esposición del MoMA, los visitantes van tener la oportunidá de viaxar a estremaos llugares del mundu pa contemplar cómo ye la vida cotidiana en contestos tan estremaos como’l desiertu de California, les estepes ruses, los montes de Cachemira o una pequeña ciudá al pie del Mar Caribe. Esta amuesa va poder visitase na sala de fotografía del 11 de febreru hasta’l 29 de mayu. Nella van poder vese obres d’Elena Anosova (Rusia, 1983), Luis Cobelo (Venezuela, 1970), Andrea Gjetvang (Noruega, 1981), Lionel Jusseret (Bélxica, 1989), Kovi Konowiecki (Estaos Xuníos, 1992), Bharat Sikka (India, 1973) y Juan Valbuena (España, 1973).
P’acabar, ‘Moscoso Cosmos. El universo visual de Victor Mosoco’ va amosar, tamién na Cúpula, la obra d’ún de los creadores y diseñadores gráficos más orixinales y influyentes del sieglu XX. La so obra abarca cartelos, portaes de discos, cómics… etc. L’estilu psicodélicu y cercanu al rock. La esposición va tar na cúpula del 4 de marzu al 12 de xunu, compartiendo espaciu temporalmente coles obres de Carlos Berlanga.
