Decenes de fueos en toa Asturies: Culpa de nun reforzar la prevención, pa la Coordinadora Ecoloxista

Los ecoloxistes recuerden que, n’Asturies, el 80% de les quemes forestales tienen como orixe la rexeneración de pastos.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Los primeros díes de 2022 entamen mal pal monte asturianu. Hai decenes de fueos a lo llargo de tola xeografía asturiana. Los fueos nun se deben a causes naturales sinón a l’aición de l’agricultura. Denúncialo asina la Coordinadora Ecoloxista, que nuna nota de prensa acusó a l’actividá agrícola de tar darrera.

Dende la Coordinadora Ecoloxista, solliñen que los autores nun van tener nengún tipu de perxuiciu por mor de la so aición, pos el ganáu va poder siguir paciendo nesos mesmos montes ensin nengún tipu de torga. Amás, recuerden que según la Fiscalía del Mediu Ambiente del Tribunal Superior de Xusticia dAsturies y los datos de les Brigaes d’Investigación de Fueos del Principáu d’Asturies, cuasi l’80% de los fueos tán venceyaos, d’un mou o d’otru, cola rexeneración de pastos.

Irresponsabilidá política

La Coordinadora Ecoloxista acusa tamién a los grupos políticos, a los que considera irresponsables por “rebaxar les midíes de llucha escontra los fueos forestales” cuando en realidá lo que diba ser preciso yera facer tolo contrario, esto ye, “reforzales pa que nun pase lo que tamos viendo nestos momentos”.

Amás, recuerden qu’Asturies ye la única Comunidá Autónoma del tol estáu español y la única zona de la Unión Europea na que nun va torgase’l pacer al ganáu nes zones afaraes polos fueos forestales, y que, amás, ye la Comunidá Autónoma na que la mayoría de los fueos tienen esi aniciu. Consideren que l’amenorgamientu de les midíes de proteición de les viesques son la causa direuta de los fueos que tamos viendo agora. Y piden a los partíos políticos “torgar al ganáu de pacer nes zones afaraes y escorrer a les persones que quemen el monte”; pos de lo contrario van ser, na so opinión, “cómplices” d’esta situación.

Actualidad

Dejar respuesta

Please enter your comment!
Please enter your name here