La negociación de la oficialidá, una distopía por capítulos

Tres d’el millagru provocáu por Rodrigo Cuevas, l’Estáu Español reármase y consigue tornar al momentu anterior a la “Revolución de les periferies”.

Recomendados

Sonia Carbajal
Sonia Carbajal
Experta en comunicación y mala feminista. Fue consultora y trabajó en publicidad casi 10 años.

Asturies, 2024. Qué poco dura l’alegría na casa’l probe. Tres d’el millagru provocáu por Rodrigo Cuevas, l’Estáu Español reármase y consigue tornar al momentu anterior a la “Revolución de les periferies”.

Cola vuelta al centralismu, torna tamién la negociación del Estatutu D’Autonomía. Siéntense na Xunta los actores convidaos y retomen les conversaciones onde les dexaron.

El portavoz de FORO Asturies diz que, en vista de que los impuestos se suprimieron  dempués de la hecatombe eurovisiva, ellos p’aprobar la oficialidá esixen que se restaure la prima nocte y el sacrificiu de tres virxes al añu pa honrar al dios del neolliberalismu. Podemos diz que val, pero que los sacrificios tienen que ser progresivos, que mate más el que más tien. A la derecha de la cabeza del de Foro apaez l’holograma de una diminuta Teresa Mallada: “¡Cagonrós, cuando lo propuse yo dixéronme que non y agora dicen que sí! Pídi-yos tamién un serviciu obligatoriu d’un añu nel Amazón de Siero y di-yos que si acepten baillo una xota de Cangas”.

Al mentar el baille el sistema colapsa y empieza a mostrase en bucle el video de Mallada baillando un Tik Tok cola so fía. El de Foro líase y pide beber un vinu de Cangas cada vez que daquién merque n’Amazon. Podemos diz que val, pero que tien que bebese de manera progresiva.

Al d’Izquierda Xunida entama a sali-y fumu de la cabeza. Apaez ún de Comisiones y apaga-y el fuéu con una camisa a cuadros.

“¡Nun hai con quién tratar, marcho de la mesa!”

Nesi momentu apaez Barbón metíu n’una burbuya xigante, una midía de proteición qu’adopta tres de la variante de la covid Alfachacho de principios d’añu. Llega dando saltinos con una sorrisa conciliadora.

– ¿Cómo vais, collacios? ¿Avanza dalgo la cosa?

– ¡Cagondiós, Adrianín, onde te metes, ho! Acabóse la negociación, nun hai con quién tratar.

– ¡Qué pasó nin! ¡Nun te enfades, ho, colo bien que nos llevamos siempre!

Hemiciclu de la Xunta Xeneral del Principáu d’Asturies. Foto: Iván G. Fernández

Barbón va da-y un abrazu conciliador a Zapico, pero la burbuya rebota y entama a rodar ensín control alrodiu la mesa.

Apaez Gimena Llamedo y echa a correr en círculos pa tratar de paralo. “¡Mirai lo que ficistis! ¡Tais enredándolo too más!”.

Zapico respira fondo. “A ver, nun pasa nada, dicen los espertos qu’el fin del mundiu nun va producise hasta setiembre de 2030. Si estos retiren la propuesta fiscal entovía hai tiempu”.

Podemos diz que val, que ellos sólo queríen movimientu y que ya lo llograron. Miren a Barbón que sigue dando vueltes y soríen. “¡Somos los meyores!”.

Pumares llevántase esmolecíu “¡Prometistilo! ¡Yes un mentirosu! Acabóse la negociación, ¡nun hai con quien tratar!”.

Llamedo ye quien parar la burbuya, pero’l probe Barbón queda cabeza abaxo y entama a ponese coloráu mientras toos-y reclamen que diga daqué.

“¿Por qué tais mirándome toos?”, esclama por fin, “¿Toi mal abrocháu?”.

Ai fía, qué complicada ye la política.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí