Preséntase la novela ucrónica ‘1809’, d’Andrés Fernández

L'autor, qu’escribióla con namás 17 años, va presentar el sábadu 5 de marzu a les 12h00 na biblioteca "La Granxa" del Campu San Francisco d'Uviéu.

Recomendados

Diego Díaz Alonso
Diego Díaz Alonso
Historiador y activista social. Escribió en La Nueva España, Les Noticies, Diagonal y Atlántica XXII. Colabora en El Salto y dirige Nortes.

Asturies, 2009: Pasaron 200 años dende la “Revolución de Trubia” de 1809, una revolución que cambió pa siempre la hestoria d’Asturies. La Universidá d’Uviéu, dientro de los programes del bicentenariu, asoleya una edición revisada y correxida de les cartes de los personaxes que tuvieron un papel destacáu naquellos fechos. Ésta ye la premisa de partida cola que l’escritor morciniegu Andrés Fernández ellaboró 1809. Una novela epistolar, na que carta a carta van desfilando políticos, militares, eruditos y hasta dalguna espía que van narrando “a toru pasáu” les batalles, crisis y amagüestos que foron entamándose en 1809 y que fixeron que’l destín d’Asturies fuere mui estremáu del qu’en verdá tuvo.

La novela, escrita n’asturianu, imita l’estilu de la correspondencia en llingua asturiana que Gaspar Melchor de Xovellanos y otros eruditos y políticos de la dómina escribieron na contienda. Nella, Andrés Fernández domina con soltura’l rexistru del asturianu del sieglu XIX, daqué estremáu del actual. Lleva prólogu del historiador Faustino Zapico y espérase que nes prósimes selmanes se faiga la primer presentación oficial.

1809 ye la primer novela ucrónica que publica Ediciones Radagast, pero nun ye la so primer ucronía. En 2019 Ediciones Radagast dábase a conocer cola campaña de crowdfunding pal que foi’l primer (y pel momentu l’únicu) xuegu de rol n’asturianu Depués d’Ochobre, onde Asturies forma parte de la URSS. La portada, en dambes ocasiones, ye del mesmu artista: Xon de la Campa.  

La editorial más xoven de les lletres asturianes

Andrés Fernández (2003) ye l’escritor más mozu n’asturianu nestos momentos y acaba de “quitar-y el puestu” a Blanca Fernández, tamién na nómina de Radagast cola novela L’home les Caparines. La media d’edá de tolos autores de la editorial ye de 28 años, lo que fai d’ella, con muncho, la más xoven del sistema lliterariu asturianu. Amás, ye la única editorial asturiana especializada en Fantasía, Ciencia Ficción y Terror.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí