El periódicu dixital Nortes entama un nuevu formatu de conferencies itinerantes a lo llargo y ancho d’Asturies p’analizar una bona riestra de temes d’actualidá y d’alderique. El primer de toos estos “Alcuentros Nortes” va tener como protagonista la situación na república d’Ucraína y la situación de guerra na que ta’l país depués de que Valdimir Putin tomare’l determín d’invadilu’l pasáu 24 de febreru.
Nesta primer edición, que va desendolcase n’El Caricós (Cai San Antonio, La Pola Siero) el vienres 1 d’abril a les 19h30, va contase cola participación del profesor d’historia y collaborador de Nortes Tino Burgos.
