Esti vienres 8 de Mayu a les 19h00, el salón d’actos de la Escuela de Comerciu de Xixón va acoyer la conferencia de quien ye’l voceru del grupu parllamentariu vascu nel Congresu de los Diputaos, Aitor Esteban. La ponencia lleva por títulu “Estructura y desestructura territorial del estado, una visión desde Euskadi”.
Esta conferencia va valir pa falar del complexu encaxe territorial d’España y apurrir la visión que tienen d’ello nel nacionalismu vascu. Una conferencia clave de cara a una posible reforma del estáu y a un alderique que ye recurrente na política española.
