Na protesta, que convocó la federación de Pensionistes de CCOO d’Asturies, alertóse de qu’hai factures de la llectricidá que son cada vuelta más difíciles de pagar. Megáfonu en mano, José Manuel Zapico resaltó que “vivimos nun país en que poner la calefacción ye un artículu de lluxo”. Polo tanto, hemos aparar estes tarifes descomanaes de la enerxía, “ye una urxencia democrática”. Delantre de la sede d’EDP recordóse que “la probitú enerxética conderga a la esclusión social y afeuta seriamente a la salú, provocando hasta muertes prematures, sobre manera na xente mayor”. Flor Tejo, responsable comarcal d’Igualdá de pensionistes de CCOO d’Uviéu, señaló que’l problema “afeuta a tola sociedá, cada día vamos ser más”. Pela so parte, José María Gómez, secretariu xeneral de la federación de Pensionistes de CCOO d’Asturies, recordó que na movilización escontra la probitú enerxética’l sindicatu lleva años lluchando.
Semeyes: Enrique Gallart.
