Banskyastur finaliza la campaña solidaria #polasalumental

El artista llangreano cuenta la hestoria de la iniciativa que entamó con intervenciones xugando cola toponimia asturiana

Recomendados

Tou entamó’l 9 d’Avientu de 2019, pasando pol pueblu de Turón cuando camenté en por qué nun poner debaxo “de Suchard”, personalmente encántenme estes tonteríes,  soi un fan incondicional del humor absurdu y nesi momentu asina foi, di-y usu al rotulador que tenía nel coche y decoré el topónimu d’esti pueblín de la cuenca hermana del Caudal y onde empezó lo que se convirtió nun treme d’humor y solidaridá.

Univiélo por wasap ente’l mio círculu social, por Facebook etc … y causó bastante gracia , entós, me vini arriba y  fixi más, como por exemplu “naces, creces, te reproduces y MIERES” , “BLIMEA  ecuatorial” , “LADA Colau” “BERRON y cuenta nueva”.

Viendo la repecursión mediática y yá cola idea de facer daqué solidariu pero entá ensin saber nin cómo, fixi una cuenta de twitter col pseudónimu de Banksyastur , n’honor al pergrande artista británicu, lóxicamente nada que ver aparte del talentu tocantes a crear arte, tamién maxín y estética, a cencielles ye por cómo son les sos intervenciones, aprovechar la semeyanza nes formes y paecióme fayadizu . Al espublizar estos xuegos de pallabres cola nueva cuenta de twitter fíxose bien mediáticu , daqué que me llamó enforma l’atención, hasta’l puntu de llamame de Madrí de la emisora de radio ONDA CERO, nel magacín de “Julia na onda dirixíu pola conocida periodista Julia Otero”, esto yá foi en Febreru del  2020 y como digo yá tenía en mente dalguna idea,  taba baraxando yá lo de los calendarios que depués maduraría, al venir l’estáu d’alarma y el confinamientu domiciliariu atalanté nello cola idea d’aprovechar l’ésitu mediáticu que tuviera, de primeres como digo, la intención de da-y un enfoque solidariu de calter social y reivindicativu, cuando entamó la desescalada y tuvi ocasión de faelo, retomé estes aiciones, con “ el monstruo del LLUGONES ”  al espublizar en RRSS tuvi abondo ésitu tamién y nel mes de Xunetu tornaron a llamame de nuevu d’ONDA CERO nun magacín pela mañana llamáu , “por fin nun ye Llunes “ y nunos 9 minutos cunté un pocu la hestoria y les idees que tenía, etc.  , yá más madurecida .

Fernando Argüelles, “Banskyastur”. Foto: Luis Sevilla.

Y bonu fixi más tuneos cómicos nos cartelos como “allanadura de MOREDA”, “TOLIVIA newthon –jhon”,  “BOAL Constrictor” etc.

A última hora, fui dando forma a la campaña onde decidí, sobremanera  por cuenta de esta crisis sanitaria brutal , axuntame col movimientu pola atención primaria d’Asturies y vieron perbién la propuesta que consistía en faer la metáfora de que toles poles asturianes tean xuníes nuna sola “POLA atención primaria” tuneo que tamién emplegué nun cartelu d’una pola cualesquier  de mano a da-y voz a esta campaña , pidir a la xente que sacara una semeya con una fueya que traxera POLA atención primaria nos sos perfiles de RRSS pa da-y publicidá y fuere quedando col contestu en cuestión, demientres el calendariu taba diseñándose, féxose un diseñu con una historieta llineal tipu comic , escoyéronse 14 pueblos interveníos, POLA atención primaria incluyíu, el  calendariu foi impresu por TUCAN IMPRENTADORES SLL y púnxose nos puntos de venta, a los que quiero agradecer la so collaboración, fueron varios y repartíos pola xeografía astur: oriente ,Occidente, norte sur, centru, en munchos conceyos, hebio puntos de venta desti calendariu, editáu por  PROYEUTU KRAKEN con una historieta tipu llineal comic, onde Banksyastur fai una ruta por Asturies qu’entama n’Espaguetis a la CABORANA y fina a la gueta de la L.luarca perdida onde va percorrer tamién l’Oriente y Occidente d’Asturies, un diseñu perguapu, con una estética muncho más llamativa lóxicamente que la chambonada de les intervenciones orixinales con una frase n’asturianu y castellán en cada fueya rellacionada cola atención primaria y l’urxencia de la so necesidá ya infraestructura.

Los beneficios d’estos calendarios solidarios de paré a 5  euros fueron pa faer 10 aiciones direuted solidaries reivindicando l’Atención Primaria, quiero amosar l’agradecimientu tamién al movimientu pola atención primaria d’Asturies pola so collaboración.

La campaña triunfó, vendiéronse tolos calendarios antes de finar l’añu, polo qu’hebio merques de productos de primera necesidá, mázcaros, productos d’hixene, compreses , allimentación, botes d’orina y test radioactivos, bombones de butanu etc etc  y repartilo ente les persones más desfavorecides y vulnerables, por aciu diverses asociaciones que trabayen a nivel de barriu y como digo amosando la necesidá d’una atención primaria pagada con recursos públicos, universal calidable y con dignidá llaboral ya infraestructura pa los sos trabayadores, porque la prevención ye salú, y ente otres coses, les persones si escaecen les necesidaes básiques sénfermen, esti ye’l vídeu resume onde apaecen los puntos de venta y les aiciones solidaries con un cantar de fondu de La Tarrancha y qu’editó yhonatan chichas, y quedó de forma tan guapa dando fin a la primera xuntaza de les poles astures

Yá na primavera del 2.021 fíxose ecu’l Comerciu nun reportaxe falando de la campaña anterior y anunciando la próxima que va ser POLA salú mental, y aprovechando que se cumplió fonderamente l’oxetivu tocantes a les ayudes a persones desfavorecides, pos yá fui preparando esti nuevu proyectu onde tornaron a xuntase toles poles astures nuna sola, esta vegada como anunciara POLA salú mental, hebio más igües cómiques, en nuevos cartelos como vacuna astraCENERA  o woman del CALIAO, y más pueblos llenos d’hestories como nós y nós amás d’átomos tamos enllenos tamién de vivencies, emociones y sentimientos que faen la nuevas esencia y d’onde vien esta reflexón personal al respectu por esta causa tan necesaria pa la nuesa esistencia y ye que la salú mental abarca la mesma atención primaria, paezme que ye uan torga que tenemos que marcar dientro d’un contestu social llamentablemente llenu d’individualismu y desigualdá, onde la industria farmacéutico retroaliméntase costantemente cola psiquiatría y nestos tiempos onde tamos viviendo nuna crisis sanitaria tremenda y con esti golpe de realidá a un occidente consentío y falto de valores , ye clave lluchar porque toles persones tengan accesu de baldre a ser atendíes na salú mental, seya pagada con perres públiques y con calidá llaboral pa les trabayadores de la SM, non yá les patoloxíes mentales al usu que conocemos , tamién ye salú emocional , ye apangar y prevenir sufrimientos , ansiedaes , lluchar contra depresiones, circunstancies personales bien dures en munches vivencies que debemos de xestionar perbién y repito nesta dómina contraria más que nunca .

La campaña foi muncho más ambiciosa que l’anterior, en RRSS fui asoleyando les intervenciones toponímiques, como digo dende un enfoque graciosu y tamién espublizando  artículos, reflexones y demás rellacionáu cola salú emocional y polo tanto la salú mental .

Saqué 3 vegaes más calendarios ,de nuevu imprimíos por IMPRENTADORES SLL y con otru diseñu similar y mas prestosu y otra vegada al igual que’l d’añu anterior diseñáu por PROYEUTU KRAKEN y tamién a 5€, con  una frase tanto n’asturianu como en castellán rellacionaes cola salú mental y la forma de cómo deberíemos d’encarala en munchos aspeutos social y emocional, presentéla nel CSA La Semiente y hubo munchos más puntos de vienta y cunté col reportaxe del comerciu na primavera, tamién de la LNE, La Voz d’Asturies , RTPA, cadena ser Asturies , TPA , panorama rexonal, NORTES, RADIO KRAS , a estes y a los sos trabayadores quiero agradecer la so collaboración dando voz a esti proyectiles solidariu d’amiestu d’humor y solidaridá qu’algamaron esta vegada 16 acciones directes solidaries a 16 asociaciones que tán a pie de cai , en barrios de tou tipu , aidar asina a munches persones en situación de vulnerabilidá , dende material escolar, alimentación, material deportivo , madreñes  , productos d’hixene , imprentadores, portátiles , estanteríes, sielles, mázcaros, pagar operaciones y capadures a animales d’una protectora, remunerar dentistes nos Balcanes p’aidar a persones abellugaes  ,remunerar profesionales pa 3 asociaciones, protocolos de prevención del suicidiu , ayuda emocional a families y sofitu a muyeres víctimes de trata y abusos sexuales…..

Este ye’l video tan guapu y editáu por 312 films y prestaríame agradecer tantu a Alejandro Viña como a Gema Fernández que pon la voz y con 2 cantares de fondu del grupu Delagua y que resume la campaña coles acciones solidaries, los puntos de vienta que fueron claves pa sacalo alantre y los agradecimientos tamién a quien ayudaron y promocionaron esta nueva trama solidaria, deporte , cultura , musica , teatru o alumnáu d’un colexu de Sotrondiu   

Ya’l remate final de la campaña que como comenté foi y ye más ambiciosa que la anterior y faer nes parés d’esti míticu hospital, simbolo y hestoria d’estes cuenques nel coral de Llangréu que ye’l sanatoriu adaro nel pueblu de Sama, esta obra d’arte realizada por Chus, esti pergrande artista llangreanu conocíu como Tedy y tamién un magnifico tatuador y que rexenta la tienda en La Felguera, Totem Tattoo

Pero sobremanera ye importante tener en cuenta qu’esto ye un parche, ye un granu de sable nel desiertu comparáu con toles persones que lo tán pasando bien mal a lo llargo y anchu del planeta por munchos y diversos motivos y la mio idea ye fuxir del asistencialismo, les ayudes y los sofitos horizontales van siempres acompangaos d’un enfoque social, de dir al raigañu, d’esaniciar cualesquier ápice de populismu ideolóxicu qu’atente contra la dignidá. Evidentemente esto nun fuera posible ensin l’ayuda de vosotros y vosotros, toes y toos llogramos la PROAZA.

Muchisimes gracies!!

Qu’estes humildes campañes d’humor y solidaridá seyan  l’entamu pa texer redes, de sofitu mutuu, qu’agora más que nunca nos apura fluyir como manantiales de xenerosidá , que la solidaridá y l’altruísmu non solo forma parte del deber éticu, tamién de la mesma felicidá y de que la hestoria demostrónos que solo’l pueblu salva al pueblu. 

Siguimos construyendo , naide con fame, naide ensin dignidá!! 

POLA atención primaria, POLA salú mental !! 

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí