“La Vieya”, una hestoria de celtismu y terror, Premiu Radagast

Esti premiu, l’únicu de novela n’asturianu d’iniciativa privada, reconoce a la meyor novela de ciencia ficción, terror y lliteratura fantástica del añu.

Recomendados

Diego Díaz Alonso
Diego Díaz Alonso
Historiador y activista social. Escribió en La Nueva España, Les Noticies, Diagonal y Atlántica XXII. Colabora en El Salto y dirige Nortes.

La obra “La Vieya”, del escritor Aique Fernandi, escoyóse como la ganadora del II Premiu Radagast. El xuráu taba compuestu pol escritor y precursor de la ciencia ficción n’asturianu Dolfo Camilo Díaz, el traductor y estudiosu de la ciencia ficción Víctor Suárez y la ganadora del añu pasáu, Blanca Fernández Quintana. “La Vieya” ye una novela adulta que trata’l tema de la mitoloxía celta dende una perspeutiva actual y con pingarates d’horror.

Blanca Fernández Quintana y Nicolás Bardio

Otra manera, nel actu presentóse tamién la novela de la edición anterior y primera ganadora del Premiu, “Trovadoresca”, segunda novela de la escritora yerbata Blanca Fernández Quintana que ta acabante de salir pa la Selmana de les Lletres. Trovadoresca parte d’un festival de poesía oral onde la protagonista, Dora, decátase de que tien un “don” únicu: el de ser a ver y a falar cola pantasma de Bermudo, ún de los trovadores más importantes que tuviere la Península (o eso diz él) y que, nun se sabe cómo, ta ehí cola so figura espectral y los sos comentarios extemporales en plenu sieglu XXI. Una novela de fantasía urbana y humor que xira alredor d’un secretu familiar.

El Premiu Radagast: únicu d’iniciativa privada

La editorial asturiana Ediciones Radagast lleva yá dos años convocando’l Premiu Radagast de Lliteratura Fantástica, Ciencia Ficción y Terror. Esti premiu, l’únicu de novela n’asturianu d’iniciativa privada, convócase añalmente y pretende reconocer a la meyor novela de ciencia ficción, terror y lliteratura fantástica del añu. Nesta segunda edición, un total de 4 obres compitieron pol gallardón. El premiu consiste nun diploma, 300€ en metálico y la publicación de la obra. La tercer edición del premiu yá ta convocada.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí