L’Ayuntamientu de Xixón apoya’l derechu d’autodeterminación del pueblu saharaui

El PSOE y Vox foron los únicos grupos que nun votaron a favor de la iniciativa de Podemos-Equo Xixón y IU, sofitada por Foro, Ciudadanos y PP

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

L’Ayuntamientu de Xixón aprobó, nel plenu estraordinariu celebráu güei, una proposición conxunta de Podemos-Equo Xixón y d’Izquierda Xunida, ellaborada cola Asociación de Solidaridá del Pueblu Saharaui, en favor del derechu d’autodeterminación del Sáhara Occidental. El testu salió alantre col sofitu de los grupos municipales de Vox, Ciudadanos y Partíu Popular, y l’abstención del PSOE, Vox y Alberto López-Asenjo, ex conceyal del PP y agora conceyal non adscritu.

L’edil de la coalición morada y verde Juan Chaves, qu’argumentó en solitario pola ausencia del conceyal d’IU Aurelio Martín motivada por problemes de salú, empezó diciendo que “ye importante recordar qué supunxo pa España abandonar cuarenta años de neutralidá”, en referencia al cambiu d’actitú de Pedro Sánchez al reconocer nel conflictu del Sáhara Occidental les tesis que defende’l réxime marroquí. El conceyal empezó diciendo que “cedemos delantre d’un dictador qu’usa como elementos de estorsión negociadora lo que con otros países seríen materies de cooperación; la migración, abriendo y zarrando fluxos migratorios hacia Canarias, Ceuta y Melilla y l’Estrechu, dalgo que va siguir faciendo cuando considere oportunu; la cooperación antiterrorista y el narcotráficu”.

L’edil de Podemos-Equo Xixón denunció que l’actitú de Sánchez supón “una traición al pueblu saharahui, col que tenemos una obligación moral y xurídica, amás de convertir la política esterior española en subalterna del réxime marroquí y enemistanos con Arxelia. Nun sé quién negoció esi acuerdu, pero ye imposible facelo peor”. Mesmamente’l Grupu Popular criticó’l cambiu d’actitú impuestu por Pedro Sánchez, “ensin dar esplicaciones”, que considera inxustificable, dixo la so portavoz municipal, Ángela Pumariega.

El testu aprobáu pola Corporación Municipal xixonesa reconoz como únicu marcu xurídicu y institucional válidu’l de la ONU, “a traviés de la celebración de un referéndum d’autodeterminación, con toles opciones, como única vía pa una solución pacífica y estable”, porque ye un asuntu de descolonización inacabáu”.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí