El hardcore portugués y asturianu comparten escenariu esti sábadu n’Avilés

Los portugueses Stay Away toquen la primer vez n'Asturies nun festival entamáu por SRC.

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.

El pub Paseo Malecón, d’Avilés, será escenariu esti sábadu d’un nuevu Festival Hardcore, organizáu pola Spitting Rage Crew. L’eventu acueye a dos grupos destacaos de la escena hardcore portuguesa y asturiana, anque también habrá espaciu pal punk rock.

Los lusos Stay Away, banda llegada dende Caldas Da Rainha (Portugal), relativamente moza pero formada por veteranos músicos del hardcore del país vecín, son los cabezaleros del cartel. Los organizadores asítienlos na onda musical de Madball. Compartirán escenariu con Flayed Alive, grupu del occidente asturianu, que yá cuenta con abondos conciertos a les sos espaldes, y un estilu asemeyáu a Morning Again y Arkangel.

Completen la llista de grupos participantes Psicotralla (punk rock dende Uviéu) y Mantra Old School, que cultiva’l ritmu rápidu y ye l’únicu de los grupos que tien una muyer vocalista.

Los conciertos entamen a les 19.30 hores y establecióse un bonu de sofitu a la organización al preciu de siete euros.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí